बालकांड, सर्ग 73: चारों राजकुमारों का विवाह
Before the sacred fire Janaka places Sita's hand in Rama's. Urmila weds Lakshmana, Mandavi weds Bharata and Shrutakirti weds Shatrughna, as flowers fall from the sky.
पवित्र अग्नि के सामने जनक सीता का हाथ राम के हाथ में देते हैं। ऊर्मिला का लक्ष्मण, मांडवी का भरत और श्रुतकीर्ति का शत्रुघ्न से विवाह होता है, और आकाश से पुष्पवर्षा होती है।
यस्मिंस्तु दिवसे राजा चक्रे गोदानमुत्तमम् ।
तस्मिं स्तु दिवसे शूरो युधाजित्समुपेयिवान् ॥
yasmiṃstu divase rājā cakre godānamuttamam |
tasmiṃ stu divase śūro yudhājitsamupeyivān ||
जिस दिन राजा ने वह उत्तम गोदान किया, उसी दिन वीर युधाजित आ पहुँचे।
On the day the king made that fine gift of cows, the heroic Yudhajit arrived.
पुत्रः केकयराजस्य साक्षाद्भरतमातुलः ।
दृष्ट्वा पृष्ट्वा च कुशलं राजानमिदमब्रवीत् ॥
putraḥ kekayarājasya sākṣādbharatamātulaḥ |
dṛṣṭvā pṛṣṭvā ca kuśalaṃ rājānamidamabravīt ||
केकयराज के पुत्र, भरत के सगे मामा ने राजा को देखकर और उनका कुशल पूछकर कहा:
The son of the king of Kekaya, Bharata's own uncle, seeing the king and asking after his welfare, said:
केकयाधिपती राजा स्नेहात् कुशलमब्रवीत् ।
येषां कुशलकामोऽसि तेषां सम्प्रत्यनामयम् ॥
kekayādhipatī rājā snehāt kuśalamabravīt |
yeṣāṃ kuśalakāmo'si teṣāṃ sampratyanāmayam ||
केकयनरेश ने स्नेह से आपका कुशल पूछा है। जिनका आप कुशल चाहते हैं वे अब स्वस्थ हैं।
The lord of Kekaya asks after your welfare with affection. Those whose welfare you wish for are now well.
स्वस्रीयं मम राजेन्द्र द्रष्टुकामो महीपतिः ।
तदर्थमुपयातोऽहमयोध्यां रघुनन्दन ॥
svasrīyaṃ mama rājendra draṣṭukāmo mahīpatiḥ |
tadarthamupayāto'hamayodhyāṃ raghunandana ||
हे राजेंद्र, राजा अपने नाती को देखना चाहते हैं। हे रघुनंदन, इसी के लिए मैं अयोध्या आया था।
Lord of kings, the king wishes to see his daughter's son. For that I came to Ayodhya, joy of the Raghus.
श्रुत्वा त्वहमयोध्यायां विवाहार्थं तवात्मजान् ।
मिथिलामुपयातांस्तु त्वया सह महीपते ।
त्वरयाभ्युपयातोऽहं द्रष्टुकाम स्स्वसुस्सुतम् ॥
śrutvā tvahamayodhyāyāṃ vivāhārthaṃ tavātmajān |
mithilāmupayātāṃstu tvayā saha mahīpate |
tvarayābhyupayāto'haṃ draṣṭukāma ssvasussutam ||
हे पृथ्वीपति, अयोध्या में मैंने सुना कि आपके पुत्र विवाह के लिए आपके साथ मिथिला गए हैं, और मैं अपनी बहन के पुत्र को देखने की इच्छा से शीघ्र यहाँ आया।
In Ayodhya I heard, lord of the earth, that your sons had gone with you to Mithila to be married, and I hurried here, wishing to see my sister's son.
अथ राजा दशरथः प्रियातिथिमुपस्थितम् ।
दृष्ट्वा परमसत्कारैः पूजार्हं समपूजयत् ॥
atha rājā daśarathaḥ priyātithimupasthitam |
dṛṣṭvā paramasatkāraiḥ pūjārhaṃ samapūjayat ||
तब राजा दशरथ ने अपने प्रिय अतिथि को आया देखकर उस पूजनीय का परम सत्कार से पूजन किया।
Then King Dasharatha, seeing his dear guest arrive, honoured him, who was worthy of honour, with the highest hospitality.
ततस्तामुषितो रात्रिं सह पुत्रैर्महात्मभिः ।
प्रभाते पुनरुत्थाय कृत्वा कर्माणि कर्मवित् ।
ऋषींस्तदा पुरस्कृत्य यज्ञवाटमुपागमत् ॥
tatastāmuṣito rātriṃ saha putrairmahātmabhiḥ |
prabhāte punarutthāya kṛtvā karmāṇi karmavit |
ṛṣīṃstadā puraskṛtya yajñavāṭamupāgamat ||
अपने महात्मा पुत्रों के साथ वह रात बिताकर कर्मज्ञ राजा प्रभात में उठे, अपने कर्म किए, और ऋषियों को आगे करके यज्ञस्थल पर गए।
Having spent that night with his great souled sons, the king, who knew the rites, rose at dawn, performed his rites, and with the sages before him went to the sacrificial ground.
युक्ते मुहूर्ते विजये सर्वाभरणभूषितैः ।
भ्रातृभिस्सहितो रामः कृतकौतुकमंगलः ।
वसिष्ठं पुरतः कृत्वा महर्षीनपरानपि ।
पितु स्समीपमाश्रित्य तस्थौ भ्रातृभिरावृतः ॥
yukte muhūrte vijaye sarvābharaṇabhūṣitaiḥ |
bhrātṛbhissahito rāmaḥ kṛtakautukamaṃgalaḥ |
vasiṣṭhaṃ purataḥ kṛtvā maharṣīnaparānapi |
pitu ssamīpamāśritya tasthau bhrātṛbhirāvṛtaḥ ||
विजय नामक शुभ मुहूर्त में कंगन बँधे और मंगलाचार किए हुए राम, सब आभूषणों से सजे भाइयों के साथ, वसिष्ठ और अन्य महर्षियों को आगे करके, भाइयों से घिरे पिता के पास खड़े हुए।
At the fitting hour called Vijaya, Rama, with the marriage thread tied and the auspicious rites done, together with his brothers adorned with every ornament, with Vasishtha and the other great sages before him, stood near his father, surrounded by his brothers.
वसिष्ठो भगवानेत्य वैदेहमिदमब्रवीत् ।
राजा दशरथो राजन् कृतकौतुकमङ्गलैः ।
पुत्रैर्नरवर श्रेष्ठ दातारमभिकाङ्क्षते ॥
vasiṣṭho bhagavānetya vaidehamidamabravīt |
rājā daśaratho rājan kṛtakautukamaṅgalaiḥ |
putrairnaravara śreṣṭha dātāramabhikāṅkṣate ||
भगवान वसिष्ठ ने आकर विदेहराज से कहा: हे राजन, नरश्रेष्ठ, कंगन बँधे और मंगलाचार किए पुत्रों के साथ राजा दशरथ कन्यादाता की प्रतीक्षा कर रहे हैं।
The holy Vasishtha came and said to the king of Videha: King, best of men, King Dasharatha, with his sons whose marriage threads are tied and auspicious rites done, awaits the giver.
दातृप्रतिग्रहीतृभ्यां सर्वार्थाः प्रभवन्ति हि ।
स्वधर्मं प्रतिपद्यस्व कृत्वा वैवाह्यमुत्तमम् ॥
dātṛpratigrahītṛbhyāṃ sarvārthāḥ prabhavanti hi |
svadharmaṃ pratipadyasva kṛtvā vaivāhyamuttamam ||
सब कार्य देने वाले और लेने वाले से ही सिद्ध होते हैं। उत्तम विवाह संपन्न करके अपना धर्म निभाइए।
All things come about through the giver and the receiver. Carry out your own duty by performing the fine wedding.
इत्युक्तः परमोदारो वसिष्ठेन महात्मना ।
प्रत्युवाच महातेजा वाक्यं परमधर्मवित् ॥
ityuktaḥ paramodāro vasiṣṭhena mahātmanā |
pratyuvāca mahātejā vākyaṃ paramadharmavit ||
महात्मा वसिष्ठ के ऐसा कहने पर परम उदार, महातेजस्वी, परम धर्मज्ञ राजा ने उत्तर दिया:
Told this by the great souled Vasishtha, the most generous and radiant king, supreme knower of dharma, replied:
कस्स्थितः प्रतिहारो मे कस्याज्ञा सम्प्रतीक्ष्यते ।
स्वगृहे को विचारोऽस्ति यथा राज्यमिदं तव ॥
kassthitaḥ pratihāro me kasyājñā sampratīkṣyate |
svagṛhe ko vicāro'sti yathā rājyamidaṃ tava ||
उन्हें कौन द्वारपाल रोक रहा है? वे किसकी आज्ञा की प्रतीक्षा कर रहे हैं? अपने घर में क्या संकोच? यह राज्य उन्हीं का है।
What doorkeeper stands in his way? Whose order is he waiting for? What hesitation should there be in his own house? This kingdom is as much his.
कृतकौतुकसर्वस्वा वेदिमूलमुपागताः ।
मम कन्या मुनिश्रेष्ठ दीप्ता वह्नेरिवार्चिषः ॥
kṛtakautukasarvasvā vedimūlamupāgatāḥ |
mama kanyā muniśreṣṭha dīptā vahnerivārciṣaḥ ||
हे मुनिश्रेष्ठ, मेरी कन्याएँ सब मंगलाचार करके अग्नि की लौ जैसी दमकती हुई वेदी के पास आ गई हैं।
Best of sages, my daughters, with all the auspicious rites done, have come to the foot of the altar, shining like flames of fire.
सज्जोऽहं त्वत्प्रतीक्षोऽस्मि वेद्यामस्यां प्रतिष्ठितः ।
अविघ्नं कुरुतां राजा किमर्थमवलम्बते ॥
sajjo'haṃ tvatpratīkṣo'smi vedyāmasyāṃ pratiṣṭhitaḥ |
avighnaṃ kurutāṃ rājā kimarthamavalambate ||
मैं तैयार हूँ और इस वेदी पर आपकी प्रतीक्षा कर रहा हूँ। राजा बिना विलंब आगे बढ़ें। वे क्यों रुके हैं?
I am ready and waiting for you, standing at this altar. Let the king proceed without delay. Why does he wait?
तद्वाक्यं जनकेनोक्तं श्रुत्वा दशरथस्तदा ।
प्रवेशयामास सुतान् सर्वानृषिगणानपि ॥
tadvākyaṃ janakenoktaṃ śrutvā daśarathastadā |
praveśayāmāsa sutān sarvānṛṣigaṇānapi ||
जनक के कहे वे वचन सुनकर दशरथ ने अपने पुत्रों और सब ऋषिगणों को भीतर बुलाया।
Hearing those words spoken by Janaka, Dasharatha then brought in his sons and all the hosts of sages.
ततो राजा विदेहानां वसिष्ठमिदमब्रवीत् ।
कारयस्व ऋषे सर्वमृषिभिः सह धार्मिक ।
रामस्य लोकरामस्य क्रियां वैवाहिकीं विभो ॥
tato rājā videhānāṃ vasiṣṭhamidamabravīt |
kārayasva ṛṣe sarvamṛṣibhiḥ saha dhārmika |
rāmasya lokarāmasya kriyāṃ vaivāhikīṃ vibho ||
फिर विदेहराज ने वसिष्ठ से कहा: हे धर्मात्मा ऋषि, प्रभु, ऋषियों के साथ लोकप्रिय राम का विवाह संस्कार पूरा कराइए।
Then the king of Videha said to Vasishtha: Righteous sage, lord, have the wedding rites of Rama, the delight of the world, performed in full with the sages.
तथेत्युक्त्वा तु जनकं वसिष्ठो भगवानृषिः ।
विश्वामित्रं पुरस्कृत्य शतानन्दं च धार्मिकम् ।
प्रपामध्ये तु विधिवत्वेदिं कृत्वा महातपाः ।
अलञ्चकार तां वेदिं गन्धपुष्पै स्समन्ततः ।
सुवर्णपालिकाभिश्च छिद्रकुम्भैश्च साङ्कुरैः ।
अङ्कुराढ्यैश्शरावैश्च धूपपात्रै स्सधूपकैः ।
शङ्खपात्रै स्स्रुवै स्स्रुग्भिः पात्रैरर्घ्याभिपूरितैः ।
लाजपूर्णैश्च पात्रीभिरक्षतैरभिसंस्कृतैः ॥
tathetyuktvā tu janakaṃ vasiṣṭho bhagavānṛṣiḥ |
viśvāmitraṃ puraskṛtya śatānandaṃ ca dhārmikam |
prapāmadhye tu vidhivatvediṃ kṛtvā mahātapāḥ |
alañcakāra tāṃ vediṃ gandhapuṣpai ssamantataḥ |
suvarṇapālikābhiśca chidrakumbhaiśca sāṅkuraiḥ |
aṅkurāḍhyaiśśarāvaiśca dhūpapātrai ssadhūpakaiḥ |
śaṅkhapātrai ssruvai ssrugbhiḥ pātrairarghyābhipūritaiḥ |
lājapūrṇaiśca pātrībhirakṣatairabhisaṃskṛtaiḥ ||
जनक से ऐसा ही हो कहकर महातपस्वी भगवान ऋषि वसिष्ठ ने विश्वामित्र और धर्मात्मा शतानंद को आगे करके मंडप के बीच विधिपूर्वक वेदी बनाई, और उसे चारों ओर सुगंध और फूलों से, सोने के कलशों से, अंकुरों वाले छिद्रयुक्त घड़ों से, अंकुरों से भरे शरावों से, धूप सहित धूपदानों से, शंख जैसे पात्रों, स्रुवा और स्रुक से, अर्घ्य के जल से भरे पात्रों से, लावा से भरी थालियों से और अभिमंत्रित अक्षतों से सजाया।
Saying to Janaka: So be it, the holy sage Vasishtha, the great ascetic, with Vishvamitra and the righteous Shatananda before him, made an altar in the middle of the pavilion as prescribed, and adorned it all round with perfumes and flowers, with golden pots and with pierced jars bearing sprouts, with bowls full of sprouts, censers with incense, conch shaped vessels, ladles and spoons, vessels filled with water for the guest offering, plates full of parched grain, and consecrated whole rice.
दर्भैस्समैस्समास्तीर्य विधिवन्मन्त्रपूर्वकम् ।
अग्निमादाय वेद्यां तु विधिमन्त्रपुरस्कृतम् ।
जुहावाग्नौ महातेजा वसिष्ठो भगवानृषिः ॥
darbhaissamaissamāstīrya vidhivanmantrapūrvakam |
agnimādāya vedyāṃ tu vidhimantrapuraskṛtam |
juhāvāgnau mahātejā vasiṣṭho bhagavānṛṣiḥ ||
मंत्रों के साथ विधिपूर्वक बराबर कुश बिछाकर, और विधि तथा मंत्रों से वेदी पर अग्नि स्थापित करके महातेजस्वी भगवान ऋषि वसिष्ठ ने अग्नि में आहुतियाँ दीं।
Spreading even darbha grass in due order with mantras, and kindling fire on the altar with rites and mantras, the radiant holy sage Vasishtha made offerings into the fire.
ततस्सीतां समानीय सर्वाभरणभूषिताम् ।
समक्षमग्ने स्संस्थाप्य राघवाभिमुखे तदा ।
अब्रवीज्जनको राजा कौसल्यानन्दवर्धनम् ॥
tatassītāṃ samānīya sarvābharaṇabhūṣitām |
samakṣamagne ssaṃsthāpya rāghavābhimukhe tadā |
abravījjanako rājā kausalyānandavardhanam ||
फिर राजा जनक ने सब आभूषणों से सजी सीता को लाकर अग्नि के सामने राघव के सम्मुख खड़ा किया और कौसल्या का आनंद बढ़ाने वाले से कहा:
Then King Janaka brought Sita, adorned with every ornament, placed her before the fire facing Raghava, and said to the one who increases Kausalya's joy:
इयं सीता मम सुता सहधर्मचरी तव ।
प्रतीच्छ चैनां भद्रं ते पाणिं गृह्णीष्व पाणिना ॥
iyaṃ sītā mama sutā sahadharmacarī tava |
pratīccha caināṃ bhadraṃ te pāṇiṃ gṛhṇīṣva pāṇinā ||
यह मेरी पुत्री सीता है, तुम्हारी सहधर्मचारिणी। इसे स्वीकार करो, तुम्हारा कल्याण हो, और इसका हाथ अपने हाथ में लो।
This is my daughter Sita, your partner in dharma. Accept her, blessings on you, and take her hand in yours.
पतिव्रता महाभागा छायेवानुगता सदा ।
इत्युक्त्वा प्राक्षिपद्राजा मन्त्रपूतं जलं तदा ॥
pativratā mahābhāgā chāyevānugatā sadā |
ityuktvā prākṣipadrājā mantrapūtaṃ jalaṃ tadā ||
पतिव्रता और महाभागा यह सदा छाया की तरह तुम्हारे साथ रहेगी। यह कहकर राजा ने मंत्रों से पवित्र जल छोड़ा।
Devoted to her husband and most fortunate, she will always follow you like your shadow. Saying this, the king poured water purified by mantras.
साधु साध्विति देवाना मृषीणां वदतां तदा ।
देवदुन्दुभिर्निर्घोषः पुष्पवर्षो महानभूत् ॥
sādhu sādhviti devānā mṛṣīṇāṃ vadatāṃ tadā |
devadundubhirnirghoṣaḥ puṣpavarṣo mahānabhūt ||
देवताओं और ऋषियों ने साधु साधु कहा, देवताओं की दुंदुभियाँ बजीं और फूलों की भारी वर्षा हुई।
As the gods and sages cried: Well done, well done, the drums of the gods sounded and there was a great rain of flowers.
एवं दत्त्वा तदा सीतां मन्त्रोदकपुरस्कृताम् ।
अब्रवीज्जनको राजा हर्षेणाभिपरिप्लुतः ॥
evaṃ dattvā tadā sītāṃ mantrodakapuraskṛtām |
abravījjanako rājā harṣeṇābhipariplutaḥ ||
मंत्रजल के साथ सीता को देकर हर्ष से भरे राजा जनक ने कहा:
Having given Sita with water sanctified by mantras, King Janaka, overflowing with joy, said:
लक्ष्मणागच्छ भद्रं ते ऊर्मिलामुद्यतां मया ।
प्रतीच्छ पाणिं गृह्णीष्व माभूत्कालस्य पर्ययः ॥
lakṣmaṇāgaccha bhadraṃ te ūrmilāmudyatāṃ mayā |
pratīccha pāṇiṃ gṛhṇīṣva mābhūtkālasya paryayaḥ ||
लक्ष्मण, आओ, तुम्हारा कल्याण हो। मेरे द्वारा दी जा रही ऊर्मिला को स्वीकार करो। उसका हाथ थामो; समय न बीते।
Lakshmana, come, blessings on you. Accept Urmila, whom I offer. Take her hand; let no time be lost.
तमेवमुक्त्वा जनको भरतं चाभ्यभाषत ।
गृहाण पाणिं माण्डव्याः पाणिना रघुनन्दन ॥
tamevamuktvā janako bharataṃ cābhyabhāṣata |
gṛhāṇa pāṇiṃ māṇḍavyāḥ pāṇinā raghunandana ||
उनसे यह कहकर जनक ने भरत से कहा: हे रघुनंदन, मांडवी का हाथ अपने हाथ में लो।
Having said this to him, Janaka said to Bharata: Joy of the Raghus, take Mandavi's hand in yours.
शत्रुघ्नं चापि धर्मात्मा अब्रवीज्जनकेश्वरः ।
श्रुतकीर्त्या महाबाहो पाणिं गृह्णीष्व पाणिना ॥
śatrughnaṃ cāpi dharmātmā abravījjanakeśvaraḥ |
śrutakīrtyā mahābāho pāṇiṃ gṛhṇīṣva pāṇinā ||
और धर्मात्मा जनकराज ने शत्रुघ्न से कहा: हे महाबाहु, श्रुतकीर्ति का हाथ अपने हाथ में लो।
And the righteous lord Janaka said to Shatrughna: Mighty armed one, take Shrutakirti's hand in yours.
सर्वे भवन्तस्सौम्याश्च सर्वे सुचरितव्रताः ।
पत्नीभिस्सन्तु काकुत्स्था माभूत्कालस्य पर्ययः ॥
sarve bhavantassaumyāśca sarve sucaritavratāḥ |
patnībhissantu kākutsthā mābhūtkālasya paryayaḥ ||
तुम सब सौम्य हो और सब उत्तम व्रत वाले हो। हे काकुत्स्थो, अपनी पत्नियों से युक्त हो जाओ; समय न बीते।
All of you are gentle and all of you keep good vows. Kakutsthas, be joined with your wives; let no time be lost.
जनकस्य वच श्शृत्वा पाणीन् पाणिभिरास्पृशन् ।
चत्वारस्ते चतसृ़णां वसिष्ठस्य मते स्थिताः ॥
janakasya vaca śśṛtvā pāṇīn pāṇibhirāspṛśan |
catvāraste catasṛ़ṇāṃ vasiṣṭhasya mate sthitāḥ ||
जनक के वचन सुनकर वसिष्ठ के मत के अनुसार चारों ने चारों के हाथ अपने हाथों में लिए।
Hearing Janaka's words, the four took the hands of the four in their hands, following Vasishtha's counsel.
अग्निं प्रदक्षिणीकृत्य वेदिं राजानमेव च ।
ऋषींश्चैव महात्मानस्सभार्या रघुसत्तमाः ।
यथोक्तेन तदा चक्रुर्विवाहं विधिपूर्वकम् ॥
agniṃ pradakṣiṇīkṛtya vediṃ rājānameva ca |
ṛṣīṃścaiva mahātmānassabhāryā raghusattamāḥ |
yathoktena tadā cakrurvivāhaṃ vidhipūrvakam ||
अपनी पत्नियों के साथ अग्नि, वेदी, राजा और ऋषियों की प्रदक्षिणा करके महात्मा रघुश्रेष्ठों ने बताई गई विधि से विवाह संपन्न किया।
Walking around the fire, the altar, the king and the sages in reverence with their wives, the great souled best of the Raghus completed the marriage according to the rites, as prescribed.
काकुत्स्थैश्च गृहीतेषु ललितेषु च पाणिषु ।
पुष्पवृष्टिर्महत्यासीदन्तरिक्षात्सुभास्वरा ॥
kākutsthaiśca gṛhīteṣu laliteṣu ca pāṇiṣu |
puṣpavṛṣṭirmahatyāsīdantarikṣātsubhāsvarā ||
जब काकुत्स्थों ने वे कोमल हाथ थामे, तो आकाश से अत्यंत चमकती फूलों की भारी वर्षा हुई।
When the Kakutsthas had taken those graceful hands, a great and shining rain of flowers fell from the sky.
