Sarana Names the Chiefs

तद्वचःपथ्यमक्लीबंसारणेनाभिभाषितम् ।
निशम्यरावणोराजाप्रत्यभाषतसारणम् ॥

tadvacaḥpathyamaklībaṃsāraṇenābhibhāṣitam |
niśamyarāvaṇorājāpratyabhāṣatasāraṇam ||

यदिमामभियुञ्जीरन्देवगन्धर्वदानवाः ।
नैवसीतांप्रदास्यामिसर्वलोकभयादपि ॥

yadimāmabhiyuñjīrandevagandharvadānavāḥ |
naivasītāṃpradāsyāmisarvalokabhayādapi ||

त्वंतुसौम्यपरित्रस्तोहरिभिर्निर्जितोभृशम् ।
प्रतिप्रदानमद्यैवसीतायास्साधुमन्यसे ॥

tvaṃtusaumyaparitrastoharibhirnirjitobhṛśam |
pratipradānamadyaivasītāyāssādhumanyase ||

कोहिनामसपत्नोमांसमरेजेतुमर्हति ।
इत्युक्त्वापरुषंवाक्यंरावणोराक्षसाधिपः ।
आरुरोहततश्रशीमान् प्रासादंहिमपाण्डुरम् ।
बहुतालसमुत्सेधंरावणोऽथदिदृक्ष्या ॥

kohināmasapatnomāṃsamarejetumarhati |
ityuktvāparuṣaṃvākyaṃrāvaṇorākṣasādhipaḥ |
ārurohatataśraśīmān prāsādaṃhimapāṇḍuram |
bahutālasamutsedhaṃrāvaṇo'thadidṛkṣyā ||

ताभ्यांचराभ्यांसहितोरावणःक्रोधमूर्छितः ।
पश्यमानस्समुद्रंचपर्वतांश्चवनानिच ।
ददर्शपृथिवीदेशंसुसम्पूर्णंप्लवङ्गमैः ॥

tābhyāṃcarābhyāṃsahitorāvaṇaḥkrodhamūrchitaḥ |
paśyamānassamudraṃcaparvatāṃścavanānica |
dadarśapṛthivīdeśaṃsusampūrṇaṃplavaṅgamaiḥ ||

तदपारमसंख्ख्येयंवानराणांमहद्बलं ।
अलोक्यरावणोराजापरिपप्रच्छसारणम् ॥

tadapāramasaṃkhkhyeyaṃvānarāṇāṃmahadbalaṃ |
alokyarāvaṇorājāparipapracchasāraṇam ||

एषांवानरमुख्यानांकेशूराःकेमहाबलाः ।
केपूर्वमभिवर्तन्तेमहोत्साहास्समन्ततः ॥

eṣāṃvānaramukhyānāṃkeśūrāḥkemahābalāḥ |
kepūrvamabhivartantemahotsāhāssamantataḥ ||

केषांशृणोतिसुग्रीवःकेवायूथपयूथपाः ।
सारणाचक्ष्वतत्त्वेनकेप्रधानाःप्लवङ्गमाः ॥

keṣāṃśṛṇotisugrīvaḥkevāyūthapayūthapāḥ |
sāraṇācakṣvatattvenakepradhānāḥplavaṅgamāḥ ||

सारणोराक्षसेन्द्रस्यवचनंपरिपृच्छतः ।
आचचक्षेऽथमुख्यज्ञोमुख्यांस्तांस्तुवनौकसः ॥

sāraṇorākṣasendrasyavacanaṃparipṛcchataḥ |
ācacakṣe'thamukhyajñomukhyāṃstāṃstuvanaukasaḥ ||

एषयोऽभिमुखोलङ्कांनर्दंस्तिष्ठतिवानरः ।
यूथपानांसहस्राणांशतेनपरिवारितः ।
यस्यघोषेणमहतासप्राकारासतोरणा ।
लङ्काप्रवेपतेसर्वासशैलवनकानना ।
सर्वशाखामृगेन्द्रस्यसुग्रीवस्यमहात्मनः ।
बलाग्रेतिष्ठतेवीरोनीलोनामैषयूथपः ॥

eṣayo'bhimukholaṅkāṃnardaṃstiṣṭhativānaraḥ |
yūthapānāṃsahasrāṇāṃśatenaparivāritaḥ |
yasyaghoṣeṇamahatāsaprākārāsatoraṇā |
laṅkāpravepatesarvāsaśailavanakānanā |
sarvaśākhāmṛgendrasyasugrīvasyamahātmanaḥ |
balāgretiṣṭhatevīronīlonāmaiṣayūthapaḥ ||

बाहूप्रगृह्ययःपद् भ्यांमहींगच्छतिवीर्यवान् ।
लङ्कामभिमुखःक्रोधादभीक्ष्णंचविजृम्भते ।
गिरिशृङ्गप्रतीकाशःपद्मकिञ्जल्कसन्निभः ।
स्पोटयत्यभिसंरब्धोलाङ्गूलंचपुनःपुनः ।
यस्यलाङ्गूलशब्देनस्वनन्तिप्रदिशोदश ।
एषवानरराजेनसुग्रीवेणाभिषेचितः ।
यौवराज्येऽङ्गदोनामत्वामाह्वयतिसंयुगे ॥

bāhūpragṛhyayaḥpad bhyāṃmahīṃgacchativīryavān |
laṅkāmabhimukhaḥkrodhādabhīkṣṇaṃcavijṛmbhate |
giriśṛṅgapratīkāśaḥpadmakiñjalkasannibhaḥ |
spoṭayatyabhisaṃrabdholāṅgūlaṃcapunaḥpunaḥ |
yasyalāṅgūlaśabdenasvanantipradiśodaśa |
eṣavānararājenasugrīveṇābhiṣecitaḥ |
yauvarājye'ṅgadonāmatvāmāhvayatisaṃyuge ||

वालिनस्सदृशःपुत्रस्सुग्रीवस्यसदाप्रियः ।
राघवार्थेपराक्रान्तश्शक्रार्थेवरुणोयथा ॥

vālinassadṛśaḥputrassugrīvasyasadāpriyaḥ |
rāghavārtheparākrāntaśśakrārthevaruṇoyathā ||

एतस्यसामतिस्सर्वायद्दृष्टाजनकात्मजा ।
हनूमतावेगवताराघवस्यहितैषिणा ॥

etasyasāmatissarvāyaddṛṣṭājanakātmajā |
hanūmatāvegavatārāghavasyahitaiṣiṇā ||

बहूनिवानरेन्द्राणामेषयूथानिवीर्यवान् ।
परिगृह्याभियातित्वांस्वेनानीकेनमर्दितुम् ॥

bahūnivānarendrāṇāmeṣayūthānivīryavān |
parigṛhyābhiyātitvāṃsvenānīkenamarditum ||

अनुवालिसुतस्यापिबलेनमहताऽवृतः ।
वीरस्तिष्ठतिसङ्ग्रामेसेतुहेतुरयंनलः ॥

anuvālisutasyāpibalenamahatā'vṛtaḥ |
vīrastiṣṭhatisaṅgrāmesetuheturayaṃnalaḥ ||

येतुविष्टभ्यगात्राणिक्ष्वेलयन्तिनदन्तिच ।
उत्थायचविजृम्भन्तेक्रोधेनहरिपुङ्गवाः ।
एतेदुष्प्रसहाघोराश्चण्डाश्चण्डपराक्रमाः ।
अष्टौशतसहस्राणिदशकोटिशतानिच ।
यएनमनुगच्छन्तिवीराश्चन्दनवासिनः ।
एषैवाशंसतेलङ्कांस्वेनानीकेनमर्दितुम् ॥

yetuviṣṭabhyagātrāṇikṣvelayantinadantica |
utthāyacavijṛmbhantekrodhenaharipuṅgavāḥ |
eteduṣprasahāghorāścaṇḍāścaṇḍaparākramāḥ |
aṣṭauśatasahasrāṇidaśakoṭiśatānica |
yaenamanugacchantivīrāścandanavāsinaḥ |
eṣaivāśaṃsatelaṅkāṃsvenānīkenamarditum ||

श्वेतोरजतसङ्काशश्चपलोभीमविक्रमः ।
बुद्धिमान्वानरश्शूरस्त्रिषुलोकेषुविश्रुतः ।
तूर्णंसुग्रीवमागम्यपुनर्गच्छतिसत्वरः ।
विभजन्वानरींसेनामनीकानिप्रहर्षयन् ॥

śvetorajatasaṅkāśaścapalobhīmavikramaḥ |
buddhimānvānaraśśūrastriṣulokeṣuviśrutaḥ |
tūrṇaṃsugrīvamāgamyapunargacchatisatvaraḥ |
vibhajanvānarīṃsenāmanīkānipraharṣayan ||

यःपुरागोमतीतीरेरम्यंपर्येतिपर्वतम् ।
नाम्नासङ्कोचनोनामनानानगयुतोगिरिः ।
तत्रराज्यंप्रशास्त्येषकुमुदोनामयूथपः ।
योऽसौशतसहस्राणिसहस्रंपरिकर्षति ।
यस्यवालाबहुव्यामादीर्घलाङ्गूलमाश्रिता ।
ताम्रापीतास्सीताश्श्वेताःप्रकीर्णाघोरदर्शना ।
अदीनोरोषणश्चण्डस्सङ्ग्राममभिकाङ् क्षति ।
एषोऽप्याशंसतेलङ्कांस्वेनानीकेनमर्दितुम् ॥

yaḥpurāgomatītīreramyaṃparyetiparvatam |
nāmnāsaṅkocanonāmanānānagayutogiriḥ |
tatrarājyaṃpraśāstyeṣakumudonāmayūthapaḥ |
yo'sauśatasahasrāṇisahasraṃparikarṣati |
yasyavālābahuvyāmādīrghalāṅgūlamāśritā |
tāmrāpītāssītāśśvetāḥprakīrṇāghoradarśanā |
adīnoroṣaṇaścaṇḍassaṅgrāmamabhikāṅ kṣati |
eṣo'pyāśaṃsatelaṅkāṃsvenānīkenamarditum ||

यस्त्वेषसिंहसङ्काशःकपिलोदीर्घलोचनः ।
निभृतःप्रेक्षतेलङ्कांदिधक्षन्निवचक्षुषा ।
विन्ध्यंकृष्णगिरिंसह्यंपर्वतंचसुदर्शनम् ।
राजन्सततमध्यास्तेरम्भोनामयूथपः ।
शतंशतसहास्राणांत्रिंशच्चहरिपुङ्गवाः ।
यमेतेवानराश्शूराश्चण्डाश्चण्डपराक्रमाः ।
परिवार्यानुगच्छन्तिलङ्कांमर्दितुमोजसा ॥

yastveṣasiṃhasaṅkāśaḥkapilodīrghalocanaḥ |
nibhṛtaḥprekṣatelaṅkāṃdidhakṣannivacakṣuṣā |
vindhyaṃkṛṣṇagiriṃsahyaṃparvataṃcasudarśanam |
rājansatatamadhyāsterambhonāmayūthapaḥ |
śataṃśatasahāsrāṇāṃtriṃśaccaharipuṅgavāḥ |
yametevānarāśśūrāścaṇḍāścaṇḍaparākramāḥ |
parivāryānugacchantilaṅkāṃmarditumojasā ||

यस्तुकर्णौविवृणुतेजृम्बतेचपुनःपुनः ।
नचसंविजतेमृत्योर्नचयुद्धाद्विधावति ।
प्रकम्पतेचरोषेणतिर्यक्चपुनरीक्षते ।
पश्यन् लाङ्गूलमपिचक्ष्वेळतेचमहाबलः ।
महाजवोवीतभयोरम्यंसाल्वेयपर्वतम् ।
राजन्सततमध्यास्तेशरभोनामयूथपः ॥

yastukarṇauvivṛṇutejṛmbatecapunaḥpunaḥ |
nacasaṃvijatemṛtyornacayuddhādvidhāvati |
prakampatecaroṣeṇatiryakcapunarīkṣate |
paśyan lāṅgūlamapicakṣveḷatecamahābalaḥ |
mahājavovītabhayoramyaṃsālveyaparvatam |
rājansatatamadhyāsteśarabhonāmayūthapaḥ ||

एतस्यबलिनस्सर्वेविहारानामयूथपाः ।
राजन् शतसहस्राणिचत्वारिंशस्तथैवच ॥

etasyabalinassarvevihārānāmayūthapāḥ |
rājan śatasahasrāṇicatvāriṃśastathaivaca ||

यस्तुमेघइवाकाशंमहानावृत्यतिष्ठति ।
मध्येवानरवीराणांसूराणामिववासवः ।
भेरीणामिवसन्नादोयस्यैषश्रूयतेमहान् ।
घोषश्शाखामृगेन्द्राणांसङ्ग्राममभिकाङ्क्षिताम् ।
एषपर्वतमध्यास्तेपारियात्रमनुत्तमम् ।
युद्धेदुष्प्रसहोनित्यंपनसोनामयूथपः ॥

yastumeghaivākāśaṃmahānāvṛtyatiṣṭhati |
madhyevānaravīrāṇāṃsūrāṇāmivavāsavaḥ |
bherīṇāmivasannādoyasyaiṣaśrūyatemahān |
ghoṣaśśākhāmṛgendrāṇāṃsaṅgrāmamabhikāṅkṣitām |
eṣaparvatamadhyāstepāriyātramanuttamam |
yuddheduṣprasahonityaṃpanasonāmayūthapaḥ ||

एनंशतसहस्राणांशतार्धंपर्युपासते ।
यूथपायूथपश्रेष्ठंयेषांयूथानिभागशः ॥

enaṃśatasahasrāṇāṃśatārdhaṃparyupāsate |
yūthapāyūthapaśreṣṭhaṃyeṣāṃyūthānibhāgaśaḥ ||

यस्तुभीमांप्रवल्गन्तींचमूंतिष्ठतिशोभयन् ।
स्थितांतीरेसमुद्रस्यद्वितीयइवसागरः ।
एषदर्दरसङ्काशोविनतोनामयूथपः ।
पिबंश्चरतिपर्णासांनदीनामुत्तमांनदीम् ।
षष्टिश्शतसहस्राणिबलमस्यप्लवङ्गमाः ॥

yastubhīmāṃpravalgantīṃcamūṃtiṣṭhatiśobhayan |
sthitāṃtīresamudrasyadvitīyaivasāgaraḥ |
eṣadardarasaṅkāśovinatonāmayūthapaḥ |
pibaṃścaratiparṇāsāṃnadīnāmuttamāṃnadīm |
ṣaṣṭiśśatasahasrāṇibalamasyaplavaṅgamāḥ ||

त्वामाह्वयतियुद्धायक्रोधनोनामयूधपः ।
विक्रान्ताबलवन्तश्चयथायूथानिभागशः ॥

tvāmāhvayatiyuddhāyakrodhanonāmayūdhapaḥ |
vikrāntābalavantaścayathāyūthānibhāgaśaḥ ||

यस्तुगैरिकवर्णाभंवपुःपुष्यतिवानरः ।
अवमत्यसदासर्वान्वानरान्बलदर्पितान् ।
गवयोनामतेजस्वीत्वांक्रोधादभिवर्तते ॥

yastugairikavarṇābhaṃvapuḥpuṣyativānaraḥ |
avamatyasadāsarvānvānarānbaladarpitān |
gavayonāmatejasvītvāṃkrodhādabhivartate ||

एनंशतसहस्राणिसप्ततिःपर्युपासते ।
एषैवाशंसतेलङ्कांस्वेनानीकेनमर्दितुम् ॥

enaṃśatasahasrāṇisaptatiḥparyupāsate |
eṣaivāśaṃsatelaṅkāṃsvenānīkenamarditum ||

एतेदुष्प्रसहाघोराबलिनःकामरूपिणः ।
यूथपायूथपश्रेष्ठामेषांयूथानिभागशः ॥

eteduṣprasahāghorābalinaḥkāmarūpiṇaḥ |
yūthapāyūthapaśreṣṭhāmeṣāṃyūthānibhāgaśaḥ ||