Ravana Mans the Gates

तत्तुमाल्यवतोवाक्यंहितमुक्तंदशाननः ।
नमर्षयतिदुष्टात्माकालस्यवशमागतः ॥

tattumālyavatovākyaṃhitamuktaṃdaśānanaḥ |
namarṣayatiduṣṭātmākālasyavaśamāgataḥ ||

नबद् ध्वाभ्रुकुटींवक्त्रेक्रोधस्यवशमागतः ।
अमर्षात्परिवृत्ताक्षोमाल्यवन्तमथाब्रवीत् ॥

nabad dhvābhrukuṭīṃvaktrekrodhasyavaśamāgataḥ |
amarṣātparivṛttākṣomālyavantamathābravīt ||

हितबुध्यायदहितंवचःपरुषमुच्यते ।
परपक्षंप्रनिश्यैवनैतच्च्रोत्रगतंमम ॥

hitabudhyāyadahitaṃvacaḥparuṣamucyate |
parapakṣaṃpraniśyaivanaitaccrotragataṃmama ||

मानुषंकृपणंराममेकंशाखामृगाश्रयम् ।
समर्थंमन्यसेकेनत्यक्तंपित्रावनालयम् ॥

mānuṣaṃkṛpaṇaṃrāmamekaṃśākhāmṛgāśrayam |
samarthaṃmanyasekenatyaktaṃpitrāvanālayam ||

रक्षसामीश्वरंमांचदेवानांचभयङ्करम् ।
हीनंमांमन्यसेकेनह्यहीनंसर्वविक्रमैः ॥

rakṣasāmīśvaraṃmāṃcadevānāṃcabhayaṅkaram |
hīnaṃmāṃmanyasekenahyahīnaṃsarvavikramaiḥ ||

वीरद्वेषेणवाशङ्केपक्षपातेनवारिपोः ।
त्वयाहंपरुषाण्युक्तःपरप्रोत्साहनेनवा ॥

vīradveṣeṇavāśaṅkepakṣapātenavāripoḥ |
tvayāhaṃparuṣāṇyuktaḥparaprotsāhanenavā ||

प्रभवन्तंपदस्थंहिपरुषंकोऽभिभाषते ।
पण्डितश्शास्त्रतत्त्वज्ञोविनाप्रोत्साहनाद्रिपोः ॥

prabhavantaṃpadasthaṃhiparuṣaṃko'bhibhāṣate |
paṇḍitaśśāstratattvajñovināprotsāhanādripoḥ ||

आनीयचवनासतीतांपद्महीनामिवश्रियम् ।
किमर्थंप्रतिदास्यामिराघवस्यभयादहम् ॥

ānīyacavanāsatītāṃpadmahīnāmivaśriyam |
kimarthaṃpratidāsyāmirāghavasyabhayādaham ||

वृतंवानरकोटीभिस्ससुग्रीवंसलक्ष्मणम् ।
पश्यकैश्चिदहोभिस्त्वंराघवंनिहतंमया ॥

vṛtaṃvānarakoṭībhissasugrīvaṃsalakṣmaṇam |
paśyakaiścidahobhistvaṃrāghavaṃnihataṃmayā ||

द्वन्द्वेयस्यनतिष्ठन्तिदैवतान्यपिसंयुगे ।
सकस्माद्रावणोयुद्धेभयमाहारयिष्यति ॥

dvandveyasyanatiṣṭhantidaivatānyapisaṃyuge |
sakasmādrāvaṇoyuddhebhayamāhārayiṣyati ||

द्विधाभज्येयमप्येवंननमेयंतुकस्यचित् ।
एषमेसहजोदोषस्स्वभावोदुरतिक्रमः ॥

dvidhābhajyeyamapyevaṃnanameyaṃtukasyacit |
eṣamesahajodoṣassvabhāvoduratikramaḥ ||

यदितावत्समुद्रेतुसेतुर्बद्धोयदृच्छया ।
रामेणविस्मयःकोऽत्रयेवमेभयमागतम् ॥

yaditāvatsamudretuseturbaddhoyadṛcchayā |
rāmeṇavismayaḥko'trayevamebhayamāgatam ||

सतुतीर्त्वार्णवंरामस्सहवानरसेनया ।
प्रतिजानामितेसत्यंनजीवन्प्रतियास्यति ॥

satutīrtvārṇavaṃrāmassahavānarasenayā |
pratijānāmitesatyaṃnajīvanpratiyāsyati ||

एवंब्रुवाणंसंरब्धंरुष्टंविज्ञायरावणम् ।
व्रीळितोमाल्यवान्वाक्यंनोत्तरंप्रत्यपद्यत ॥

evaṃbruvāṇaṃsaṃrabdhaṃruṣṭaṃvijñāyarāvaṇam |
vrīḷitomālyavānvākyaṃnottaraṃpratyapadyata ||

जयाशिषाचराजानंवर्धयित्वायथोचितम् ।
माल्यवानभ्यनुज्ञातोजगामस्वंनिवेशनम् ॥

jayāśiṣācarājānaṃvardhayitvāyathocitam |
mālyavānabhyanujñātojagāmasvaṃniveśanam ||

रावणस्तुसहामात्योमन्त्रयित्वाविमृश्यच ।
लङ्कायामतुलांगुप्तिंकारयामासराक्षसः ॥

rāvaṇastusahāmātyomantrayitvāvimṛśyaca |
laṅkāyāmatulāṃguptiṃkārayāmāsarākṣasaḥ ||

व्यादिदेशसपूर्वस्यांप्रहस्तंद्वारिराक्षसम् ।
दक्षिणस्यांमहावीर्यौमहापार्श्वमहादरौ ।
पश्चिमायामथोद्वारिपुत्रमिन्द्रजितंतदा ।
व्यादिदेशमयामायंबहूभीराक्षसैर्भहुभिर्वृतम् ॥

vyādideśasapūrvasyāṃprahastaṃdvārirākṣasam |
dakṣiṇasyāṃmahāvīryaumahāpārśvamahādarau |
paścimāyāmathodvāriputramindrajitaṃtadā |
vyādideśamayāmāyaṃbahūbhīrākṣasairbhahubhirvṛtam ||

उतरस्यांपुरद्वारिव्यादिश्यशुकसारणौ ।
स्वयंचात्रगमिष्यामिमन्त्रिणस्तानुवाचह ॥

utarasyāṃpuradvārivyādiśyaśukasāraṇau |
svayaṃcātragamiṣyāmimantriṇastānuvācaha ||

राक्षसांतुविरूपाक्षंमहावीर्यपराक्रमम् ।
मध्यमेऽस्थापयद्गुल्मेबहुभिस्सहराक्षसैः ॥

rākṣasāṃtuvirūpākṣaṃmahāvīryaparākramam |
madhyame'sthāpayadgulmebahubhissaharākṣasaiḥ ||

एवंविधानंलङ्कायांकृत्वाराक्षसपुङ्गवः ।
कृतकृत्यमिवात्मानंमन्यतेकालचोदितः ॥

evaṃvidhānaṃlaṅkāyāṃkṛtvārākṣasapuṅgavaḥ |
kṛtakṛtyamivātmānaṃmanyatekālacoditaḥ ||

विसर्जयामासततस्समन्त्रिणोविधानमाज्ञाप्यपुरस्यपुष्कलम् ।
जयाशिषामन्त्रिगणेनपूजितोविवेशचाऽन्तःपुरमृद्धिमन्महत् ॥

visarjayāmāsatatassamantriṇovidhānamājñāpyapurasyapuṣkalam |
jayāśiṣāmantrigaṇenapūjitoviveśacā'ntaḥpuramṛddhimanmahat ||