Prahasta and the Generals

ततोनीलाम्बुदनिभः प्रहस्तोनामराक्षसः ।
अब्रवीत्प्राञ्जलिर्वाक्यंशूरस्सेनापतिस्तदा ॥

tatonīlāmbudanibhaḥ prahastonāmarākṣasaḥ |
abravītprāñjalirvākyaṃśūrassenāpatistadā ||

देवदानवगन्धर्वाःपिशाचपतगोरगाः ।
नत्वांधर्षयितुंशक्याःकिंपुनर्वानरारणे ॥

devadānavagandharvāḥpiśācapatagoragāḥ |
natvāṃdharṣayituṃśakyāḥkiṃpunarvānarāraṇe ||

सर्वेप्रमत्ताविश्वस्तावञ्चितास्स्महनूमता ।
नहिमेजीवतोगच्छेज्जीवन् सवनगोचरः ॥

sarvepramattāviśvastāvañcitāssmahanūmatā |
nahimejīvatogacchejjīvan savanagocaraḥ ||

सर्वांसागरपर्यन्तांसशैलवनकाननाम् ।
करोम्यवानरांभूमिमाज्ञापयतुमांभवान् ॥

sarvāṃsāgaraparyantāṃsaśailavanakānanām |
karomyavānarāṃbhūmimājñāpayatumāṃbhavān ||

रक्षांचैवविधास्यामिवानराद्रजनीचर ।
नागमिष्यतितेदुःखंकिञ्चिदात्मापराधजम् ॥

rakṣāṃcaivavidhāsyāmivānarādrajanīcara |
nāgamiṣyatiteduḥkhaṃkiñcidātmāparādhajam ||

अब्रवीच्चसुसङ्कृद्धोदुर्मुखोनामराक्षसः ।
इदंनक्षमणीयंहिसर्वेषांनःप्रधर्षणम् ॥

abravīccasusaṅkṛddhodurmukhonāmarākṣasaḥ |
idaṃnakṣamaṇīyaṃhisarveṣāṃnaḥpradharṣaṇam ||

अयंपरिभवोभूयःपुरस्यान्तःपुरस्यच ।
श्रीमतोराक्षसेन्द्रस्यवानरेणप्रधर्षणम् ॥

ayaṃparibhavobhūyaḥpurasyāntaḥpurasyaca |
śrīmatorākṣasendrasyavānareṇapradharṣaṇam ||

अस्मिन् मुहूर्तेगत्वैकोनिवर्तिष्यामिवानरान् ।
प्रविष्टान् सागरंभीममम्बरंवारसातलम् ॥

asmin muhūrtegatvaikonivartiṣyāmivānarān |
praviṣṭān sāgaraṃbhīmamambaraṃvārasātalam ||

ततोऽब्रवीत्सुसङ्कृद्धोवज्रदंष्ट्रोमहाबलः ।
प्रगृह्यपरिघंघोरंमांसशोणितरूषितम् ॥

tato'bravītsusaṅkṛddhovajradaṃṣṭromahābalaḥ |
pragṛhyaparighaṃghoraṃmāṃsaśoṇitarūṣitam ||

किंवोहनुमताकार्यंकृपणेनतपस्विना ।
रामेतिष्ठतिदुर्धर्षेससुग्रीवेऽपिसलक्ष्मणे ॥

kiṃvohanumatākāryaṃkṛpaṇenatapasvinā |
rāmetiṣṭhatidurdharṣesasugrīve'pisalakṣmaṇe ||

अद्यरामंससुग्रीवंपरिघेणसलक्ष्मणम् ।
आगमिष्यामिहत्वैकोविक्षोभ्यहरिवाहिनीम् ॥

adyarāmaṃsasugrīvaṃparigheṇasalakṣmaṇam |
āgamiṣyāmihatvaikovikṣobhyaharivāhinīm ||

इदंममापरंवाक्यंशृणुराजन् यदीच्छसि ।
उपायकुशलोह्येवजयेच्छत्रूनतन्द्रितः ॥

idaṃmamāparaṃvākyaṃśṛṇurājan yadīcchasi |
upāyakuśalohyevajayecchatrūnatandritaḥ ||

कामरूपधराश्शूरास्सुभीमाभीमदर्शनाः ।
राक्षसावैसहस्राणिराक्षसाधिपनिश्चिताः ।
काकुत्स्थमुपसङ्गम्यबिभ्रतोमानुषंवपुः ।
सर्वेह्यसम्भ्रमाभूत्वाब्रुवन्तुरघुसत्तमम् ॥

kāmarūpadharāśśūrāssubhīmābhīmadarśanāḥ |
rākṣasāvaisahasrāṇirākṣasādhipaniścitāḥ |
kākutsthamupasaṅgamyabibhratomānuṣaṃvapuḥ |
sarvehyasambhramābhūtvābruvanturaghusattamam ||

प्रेषिताभरतेनैवभ्रात्रातवयवीयसा ।
सहिसेनांसमुत्थाप्यक्षिप्रमेवोपयास्यति ॥

preṣitābharatenaivabhrātrātavayavīyasā |
sahisenāṃsamutthāpyakṣipramevopayāsyati ||

ततोवयमितस्तूर्णंशूलशक्तिगदाधराः ।
चापबाणासिहस्ताश्चत्वरितास्तत्रयामहे ॥

tatovayamitastūrṇaṃśūlaśaktigadādharāḥ |
cāpabāṇāsihastāścatvaritāstatrayāmahe ||

आकाशेगणशस्थ्सित्वाहत्वातांहरिवाहिनीम् ।
अश्मशस्त्रमहावृष्ट्याप्रापयामयमक्षयम् ॥

ākāśegaṇaśasthsitvāhatvātāṃharivāhinīm |
aśmaśastramahāvṛṣṭyāprāpayāmayamakṣayam ||

एवंचेदुपसर्पेतामनयंरामलक्ष्मणौ ।
अवश्यमपनीतेनजहतामेवजीवितम् ॥

evaṃcedupasarpetāmanayaṃrāmalakṣmaṇau |
avaśyamapanītenajahatāmevajīvitam ||

कौम्भकर्णिस्ततोवीरोनिकुम्भोनामवीर्यवान् ।
अब्रवीत्परमक्रुद्धोरावणंलोकरावणम् ॥

kaumbhakarṇistatovīronikumbhonāmavīryavān |
abravītparamakruddhorāvaṇaṃlokarāvaṇam ||

सर्वेभवन्तस्तिष्ठन्तुमहाराजेनसङ्गताः ।
अहमेकोहनिष्यामिराघवंसहलक्ष्मणम् ।
सुग्रीवञ्चहनूमन्तंसर्वांनेवचवानरान् ॥

sarvebhavantastiṣṭhantumahārājenasaṅgatāḥ |
ahamekohaniṣyāmirāghavaṃsahalakṣmaṇam |
sugrīvañcahanūmantaṃsarvāṃnevacavānarān ||

ततोवज्रहनुर्नामराक्षसःपर्वतोपमः ।
क्रुद्धः परिलिहन्सृक्कांजिह्वयावाक्यमब्रवीत् ॥

tatovajrahanurnāmarākṣasaḥparvatopamaḥ |
kruddhaḥ parilihansṛkkāṃjihvayāvākyamabravīt ||

स्वैरंकुर्वन्तुकर्माणिभवन्तोविगतज्वराः ।
एकोऽहंभक्षयिष्यामितांसर्वांहरियूथपान् ।
स्वस्थाःक्रीडन्तुनिश्चिन्ताःपिबन्तुमधुवारुणीम् ॥

svairaṃkurvantukarmāṇibhavantovigatajvarāḥ |
eko'haṃbhakṣayiṣyāmitāṃsarvāṃhariyūthapān |
svasthāḥkrīḍantuniścintāḥpibantumadhuvāruṇīm ||

अहमेकोवधिष्यामिसुग्रीवंसहलक्ष्मणम् ।
साङ्गदंचहनूमन्तंरामंचरणकुञ्जरम् ॥

ahamekovadhiṣyāmisugrīvaṃsahalakṣmaṇam |
sāṅgadaṃcahanūmantaṃrāmaṃcaraṇakuñjaram ||