Achyutam Keshavam

अच्युतम् केशवम् रामनारायणम्
कृष्णदामोदरम् वासुदेवम् भजे।
श्रीधरम् माधवम् गोपिकावल्लभम्
जानकीनायकम् रामचन्द्रम् भजे॥

Achyutam Keshavam Rama-narayanam
Krishna-damodaram Vasudevam bhaje
Shridharam Madhavam Gopika-vallabham
Janaki-nayakam Ramachandram bhaje

अच्युतम् केशवम् सत्यभामाधवम्
माधवम् श्रीधरम् राधिकाराधितम्।
इन्दिरामन्दिरम् चेतसा सुन्दरम्
देवकीनन्दनम् नन्दजम् सन्दधे॥

Achyutam Keshavam Satyabhama-dhavam
Madhavam Shridharam Radhika-radhitam
Indira-mandiram chetasa sundaram
Devaki-nandanam Nanda-jam sandadhe

विष्णवे जिष्णवे शङ्खिने चक्रिणे
रुक्मिणीरागिणे जानकीजानये।
वल्लवीवल्लभायार्चितायात्मने
कंसविध्वंसिने वंशिने ते नमः॥

(continues: Vishnave jishnave shankhine chakrine... Krishna Govinda he Rama Narayana... Raghavah patu mam... Bala-gopalakah patu mam sarvada)

कृष्ण गोविन्द हे राम नारायण
श्रीपते वासुदेवाजित श्रीनिधे।
अच्युतानन्त हे माधवाधोक्षज
द्वारकानायक द्रौपदीरक्षक॥

राक्षसक्षोभितः सीतया शोभितो
दण्डकारण्यभूपुण्यताकारणः।
लक्ष्मणेनान्वितो वानरैः सेवितो-
'गस्त्यसम्पूजितो राघवः पातु माम्॥

धेनुकारिष्टकोऽनिष्टकृद्द्वेषिणां
केशिहा कंसहृद्वंशिकावादकः।
पूतनाकोपकः सूरजाखेलनो
बालगोपालकः पातु मां सर्वदा॥