A Battle Watched by Gods

तस्यक्रुद्धस्यवदनंदृष्टवारामस्यधीमतः ।
सर्वभूतानिवित्रेसुःप्राकम्पत च मेदिनी ॥

tasyakruddhasyavadanaṃdṛṣṭavārāmasyadhīmataḥ |
sarvabhūtānivitresuḥprākampata ca medinī ||

सिंहशार्दूलान्शैलस्सञ्चचालचलद्द्रुमः ।
बभूवचापिक्षुभितःसमुद्रःसरिताम्पतिः ॥

siṃhaśārdūlānśailassañcacālacaladdrumaḥ |
babhūvacāpikṣubhitaḥsamudraḥsaritāmpatiḥ ||

खराश्चखरनिर्घोषागगनेपरुषाघनाः ।
औत्पातिकानिनर्दन्तस्समन्तात्परिचक्रमुः ॥

kharāścakharanirghoṣāgaganeparuṣāghanāḥ |
autpātikāninardantassamantātparicakramuḥ ||

रामंदृष्टवासुसङ्क्रुद्धमुत्पातांश्चैवसुदारुणान् ।
वित्रेसुस्सर्वभूतानिरावणस्याभवद्भयम् ॥

rāmaṃdṛṣṭavāsusaṅkruddhamutpātāṃścaivasudāruṇān |
vitresussarvabhūtānirāvaṇasyābhavadbhayam ||

विमानस्थास्तदादेवागन्धर्वाश्चमहोरगाः ।
ऋषिदावनदैत्याश्चगरुत्मन्तश्चखेचराः ।
ददृशुस्तेतदायुद्धंलोकसम्वर्तसंस्थितम् ।
नानाप्रहरणैर्भीमैश्शूरयोस्सम्प्रयुध्यतोः ॥

vimānasthāstadādevāgandharvāścamahoragāḥ |
ṛṣidāvanadaityāścagarutmantaścakhecarāḥ |
dadṛśustetadāyuddhaṃlokasamvartasaṃsthitam |
nānāpraharaṇairbhīmaiśśūrayossamprayudhyatoḥ ||

ऊचुस्सुरासुरास्सर्वेतदाविग्रहमागताः ।
प्रेक्षमाणामहर्युद्धंवाक्यंभक्त्याप्रहृष्टवत् ॥

ūcussurāsurāssarvetadāvigrahamāgatāḥ |
prekṣamāṇāmaharyuddhaṃvākyaṃbhaktyāprahṛṣṭavat ||

दशग्रीवंजयेत्याहुरसुराःसमवस्थिताः ।
देवाराममवोचंस्तेत्वंजयेतिपुनःपुनः ॥

daśagrīvaṃjayetyāhurasurāḥsamavasthitāḥ |
devārāmamavocaṃstetvaṃjayetipunaḥpunaḥ ||

एतस्मिन्नन्तरेक्रोधाद्राघवस्य स रावणः ।
प्रहर्तुकामोदुष्टात्मास्पृशन् प्रहरणंमहत् ।
वज्रसारंमहानादंसर्वशत्रुनिबर्हणम् ।
शैलशृङ्गनिभैःकूटैश्चित्तदृष्टिभयावहम् ।
सधूममिवतीक्ष्णाग्रंयुगान्ताग्निचमोपमम् ।
अतिरौद्रमनासाद्यंकालेनापिदुरासदम् ।
त्रासनंसर्वभूतानांदारणंभेदनंतथा ।
प्रदीप्तमिवरोषेणशूलंजग्राहरावणः ॥

etasminnantarekrodhādrāghavasya sa rāvaṇaḥ |
prahartukāmoduṣṭātmāspṛśan praharaṇaṃmahat |
vajrasāraṃmahānādaṃsarvaśatrunibarhaṇam |
śailaśṛṅganibhaiḥkūṭaiścittadṛṣṭibhayāvaham |
sadhūmamivatīkṣṇāgraṃyugāntāgnicamopamam |
atiraudramanāsādyaṃkālenāpidurāsadam |
trāsanaṃsarvabhūtānāṃdāraṇaṃbhedanaṃtathā |
pradīptamivaroṣeṇaśūlaṃjagrāharāvaṇaḥ ||

तच्छूलंपरमक्रुद्धोमध्येजग्राहवीर्यवान् ।
अनेकैःसमरेश्शूरैराक्षसैःपरिवारितः ॥

tacchūlaṃparamakruddhomadhyejagrāhavīryavān |
anekaiḥsamareśśūrairākṣasaiḥparivāritaḥ ||

समुद्यम्यमहाकायोननादयुधिभैरवम् ।
संरक्तनयनोरोषात्स्वसैन्यमभिहर्षयन् ॥

samudyamyamahākāyonanādayudhibhairavam |
saṃraktanayanoroṣātsvasainyamabhiharṣayan ||

पृथिवींचान्तरिक्षं च दिशश्चप्रदिशस्तथा ।
प्राकम्पयत्तदाशब्दोराक्षसेन्द्रस्यदारुणः ॥

pṛthivīṃcāntarikṣaṃ ca diśaścapradiśastathā |
prākampayattadāśabdorākṣasendrasyadāruṇaḥ ||

अतिनादस्य्यदानेनतेनतस्यदुरात्मनः ।
सर्वभूतानिवित्रेसुस्सागरश्चप्रचुक्षुभे ॥

atinādasyyadānenatenatasyadurātmanaḥ |
sarvabhūtānivitresussāgaraścapracukṣubhe ||

स गृहीत्वामहावीर्यश्शूलंतद्रावणोमहत् ।
विनद्यसुमहानादंरामंपरुषमब्रवीत् ॥

sa gṛhītvāmahāvīryaśśūlaṃtadrāvaṇomahat |
vinadyasumahānādaṃrāmaṃparuṣamabravīt ||

शूलोऽयंवज्रसारस्तेरामरोषान्मयोद्यतः ।
तवभ्रातृसहायस्यसम्यक् प्राणान् हरिष्यति ॥

śūlo'yaṃvajrasārasterāmaroṣānmayodyataḥ |
tavabhrātṛsahāyasyasamyak prāṇān hariṣyati ||

रक्षसामद्यशूराणांनिहतानांचमूमुखे ।
त्वांनिहत्यरणश्लाघीकरोमितरसासमम् ॥

rakṣasāmadyaśūrāṇāṃnihatānāṃcamūmukhe |
tvāṃnihatyaraṇaślāghīkaromitarasāsamam ||

तिष्ठेदानींनिहमनित्वामेषशूलेनराघव ।
एवमुक्त्वा स चिक्षेपतच्छूलंराक्षसाधिपः ॥

tiṣṭhedānīṃnihamanitvāmeṣaśūlenarāghava |
evamuktvā sa cikṣepatacchūlaṃrākṣasādhipaḥ ||

तद्रावणकरान्मुक्तंविद्युन्मालासमावृतम् ।
अष्टघण्टंमहानादंवियद्गतमशोभत ॥

tadrāvaṇakarānmuktaṃvidyunmālāsamāvṛtam |
aṣṭaghaṇṭaṃmahānādaṃviyadgatamaśobhata ||

तच्छूलंराघवोदृष्टवाज्वलन्तंघोरदर्शनम् ।
ससर्जविशिखान्रामश्चापमायम्यवीर्यवान् ॥

tacchūlaṃrāghavodṛṣṭavājvalantaṃghoradarśanam |
sasarjaviśikhānrāmaścāpamāyamyavīryavān ||

आपतन्तंशरौघेणवारयामासराघवः ।
उत्पतन्तंयुगान्तानगिंजलौघैरिववासवः ॥

āpatantaṃśaraugheṇavārayāmāsarāghavaḥ |
utpatantaṃyugāntānagiṃjalaughairivavāsavaḥ ||

निर्ददाह स तान्बाणान्रामकार्मुकनिःसृतान् ।
रावणस्यमहान् शूलःपतङ्गानिवपावकः ॥

nirdadāha sa tānbāṇānrāmakārmukaniḥsṛtān |
rāvaṇasyamahān śūlaḥpataṅgānivapāvakaḥ ||

तान्दृष्टवाभस्मसाद्भूतान्शूलसम्स्पर्शचूर्णितान् ।
सायकानन्तरिक्षस्थान् राघवःक्रोधमाहरत् ॥

tāndṛṣṭavābhasmasādbhūtānśūlasamsparśacūrṇitān |
sāyakānantarikṣasthān rāghavaḥkrodhamāharat ||

स तांमातलिनानीतांशक्तिंवासवसम्मताम् ।
जग्राहपरमक्रुद्धोराघवोरघुनन्दनः ॥

sa tāṃmātalinānītāṃśaktiṃvāsavasammatām |
jagrāhaparamakruddhorāghavoraghunandanaḥ ||

सातोलिताबलवताशक्तिर्घण्टाकृतस्वना ।
नभःप्रज्वालयामासयुगान्तोल्केवसप्रभा ॥

sātolitābalavatāśaktirghaṇṭākṛtasvanā |
nabhaḥprajvālayāmāsayugāntolkevasaprabhā ||

साक्षिप्ताराक्षसेन्द्रस्यतस्मिन्कूलेपपात ह ।
भिन्नःशक्त्यामहान् शूलोनिपपातहतद्युतिः ॥

sākṣiptārākṣasendrasyatasminkūlepapāta ha |
bhinnaḥśaktyāmahān śūlonipapātahatadyutiḥ ||

निर्भिभेदततोबाणैर्हयानस्यमहाजवान् ।
रामस्त्रीक्ष्णैर्महावेगैर्भाणवद्भिरजिह्मगैः ॥

nirbhibhedatatobāṇairhayānasyamahājavān |
rāmastrīkṣṇairmahāvegairbhāṇavadbhirajihmagaiḥ ||

निर्बिभेदोरपितदारावणंनिशितैश्शरैः ।
राघवःपरमायत्तोललाटेपत्रतिभिस्त्रिभिः ॥

nirbibhedorapitadārāvaṇaṃniśitaiśśaraiḥ |
rāghavaḥparamāyattolalāṭepatratibhistribhiḥ ||

स शरैर्भिन्नसर्वाङ्गोगात्रप्रसृतशोणितः ।
राक्षसेन्द्रस्समूहस्थःफुल्लाशोकइवाबभौ ॥

sa śarairbhinnasarvāṅgogātraprasṛtaśoṇitaḥ |
rākṣasendrassamūhasthaḥphullāśokaivābabhau ||