बालकांड, सर्ग 21: वसिष्ठ का राजा को समझाना
Vishwamitra rises in anger at the broken promise. Vasishtha calms the court and reminds Dasharatha that Vishwamitra knows every divine weapon and that Rama will be safe and gain much in his company.
वचन टूटने पर विश्वामित्र क्रोधित हो उठते हैं। वसिष्ठ सभा को शांत कर दशरथ को याद दिलाते हैं कि विश्वामित्र सभी दिव्य अस्त्रों के ज्ञाता हैं, और उनके साथ राम सुरक्षित रहेंगे और बहुत कुछ सीखेंगे।
तच्छ्रुत्वा वचनं तस्य स्नेहपर्याकुलाक्षरम् ।
समन्युः कौशिको वाक्यं प्रत्युवाच महीपतिम् ॥
tacchrutvā vacanaṃ tasya snehaparyākulākṣaram |
samanyuḥ kauśiko vākyaṃ pratyuvāca mahīpatim ||
पुत्र स्नेह से टूटे स्वर में कहे उनके वचन सुनकर कौशिक ने क्रोध से पृथ्वीपति को उत्तर दिया:
Hearing his words, broken with love for his son, Kaushika in anger replied to the lord of the earth:
पूर्वमर्थं प्रतिश्रुत्य प्रतिज्ञां हातुमिच्छसि ।
राघवाणामयुक्तोऽयं कुलस्यास्य विपर्ययः ॥
pūrvamarthaṃ pratiśrutya pratijñāṃ hātumicchasi |
rāghavāṇāmayukto'yaṃ kulasyāsya viparyayaḥ ||
पहले वचन देकर अब आप प्रतिज्ञा तोड़ना चाहते हैं। यह उलटफेर रघुवंश के योग्य नहीं है।
Having first promised me, you now wish to abandon your word. This reversal does not befit the line of the Raghus.
यदीदं ते क्षमं राजन् गमिष्यामि यथाऽगतम् ।
मिथ्याप्रतिज्ञः काकुत्स्थ सुखीभव सबान्धवः ॥
yadīdaṃ te kṣamaṃ rājan gamiṣyāmi yathā'gatam |
mithyāpratijñaḥ kākutstha sukhībhava sabāndhavaḥ ||
हे राजन, यदि यही आपको ठीक लगता है तो मैं जैसे आया था वैसे लौट जाऊँगा। हे काकुत्स्थ, झूठी प्रतिज्ञा करके अपने बंधुओं के साथ सुखी रहिए।
If this suits you, king, I will go back as I came. Kakutstha, false to your promise, be happy with your kin.
तस्य रोषपरीतस्य विश्वामित्रस्य धीमतः ।
चचाल वसुधा कृत्स्ना विवेश च भयं सुरान् ॥
tasya roṣaparītasya viśvāmitrasya dhīmataḥ |
cacāla vasudhā kṛtsnā viveśa ca bhayaṃ surān ||
जब बुद्धिमान विश्वामित्र क्रोध से भर गए, तो पूरी पृथ्वी काँप उठी और देवताओं में भय समा गया।
As the wise Vishvamitra was overcome with rage, the whole earth trembled and fear entered the gods.
त्रस्तरूपं तु विज्ञाय जगत्सर्वं महानृषिः ।
नृपतिं सुव्रतो धीरो वसिष्ठो वाक्यमब्रवीत् ॥
trastarūpaṃ tu vijñāya jagatsarvaṃ mahānṛṣiḥ |
nṛpatiṃ suvrato dhīro vasiṣṭho vākyamabravīt ||
पूरे संसार को भयभीत देखकर धीर और सुव्रत महर्षि वसिष्ठ ने राजा से कहा।
Seeing the whole world struck with fear, the great sage Vasishtha, steady and of good vows, spoke to the king.
इक्ष्वाकूणां कुले जातस्साक्षाद्धर्म इवापरः ।
धृतिमान् सुव्रतः श्रीमान्नधर्मं हातुमर्हसि ॥
ikṣvākūṇāṃ kule jātassākṣāddharma ivāparaḥ |
dhṛtimān suvrataḥ śrīmānnadharmaṃ hātumarhasi ||
आप इक्ष्वाकु कुल में मानो दूसरे धर्म के रूप में जन्मे हैं। आप धैर्यवान, सुव्रत और श्रीमान हैं; आपको धर्म नहीं छोड़ना चाहिए।
You were born in the line of the Ikshvakus like dharma itself in another form. You are steadfast, of good vows and glorious; you should not abandon dharma.
त्रिषु लोकेषु विख्यातो धर्मात्मा इति राघव ।
स्वधर्मं प्रतिपद्यस्व नाधर्मं वोढुमर्हसि ॥
triṣu lokeṣu vikhyāto dharmātmā iti rāghava |
svadharmaṃ pratipadyasva nādharmaṃ voḍhumarhasi ||
हे राघव, आप तीनों लोकों में धर्मात्मा के रूप में विख्यात हैं। अपने धर्म का पालन कीजिए; अधर्म का भार न उठाइए।
Raghava, you are famed in the three worlds as righteous. Hold to your own dharma; you should not take on adharma.
संश्रुत्यैवं करिष्यामीत्यकुर्वाणस्य राघव ।
इष्टापूर्तवधो भूयात्तस्माद्रामं विसर्जय ॥
saṃśrutyaivaṃ kariṣyāmītyakurvāṇasya rāghava |
iṣṭāpūrtavadho bhūyāttasmādrāmaṃ visarjaya ||
हे राघव, जो मैं करूँगा कहकर वचन देता है और फिर नहीं करता, उसके यज्ञ और पुण्य कर्मों का फल नष्ट हो जाता है। इसलिए राम को भेज दीजिए।
Raghava, one who promises, I shall do it, and then does not, loses the merit of all his sacrifices and good works. So send Rama.
कृतास्त्रमकृतास्त्रं वा नैनं शक्ष्यन्ति राक्षसाः ।
गुप्तं कुशिकपुत्रेण ज्वलनेनामृतं यथा ॥
kṛtāstramakṛtāstraṃ vā nainaṃ śakṣyanti rākṣasāḥ |
guptaṃ kuśikaputreṇa jvalanenāmṛtaṃ yathā ||
अस्त्रों में शिक्षित हों या नहीं, कुशिकपुत्र से रक्षित राम को राक्षस छू भी नहीं सकेंगे, जैसे अग्नि से रक्षित अमृत को कोई नहीं छू सकता।
Whether he is trained in weapons or not, the rakshasas cannot touch him, guarded by the son of Kushika, as fire guards the nectar.
एष विग्रहवान् धर्म एष वीर्यवतां वरः ।
एष बुध्याऽधिको लोके तपसश्च परायणम् ॥
eṣa vigrahavān dharma eṣa vīryavatāṃ varaḥ |
eṣa budhyā'dhiko loke tapasaśca parāyaṇam ||
ये मूर्तिमान धर्म हैं, पराक्रमियों में श्रेष्ठ हैं। ये संसार में बुद्धि में सबसे बढ़कर और तप के परम आश्रय हैं।
He is dharma in bodily form, the best of the valiant. He surpasses the world in wisdom and is the very home of penance.
एषोऽस्त्रान् विविधान्वेत्ति त्रैलोक्ये सचराचरे ।
नैनमन्यः पुमान्वेत्ति न च वेत्स्यन्ति केचन ॥
eṣo'strān vividhānvetti trailokye sacarācare |
nainamanyaḥ pumānvetti na ca vetsyanti kecana ||
वे चर और अचर सहित तीनों लोकों के हर प्रकार के अस्त्र जानते हैं। उन्हें कोई अन्य पुरुष नहीं जानता और न कभी जानेगा।
He knows weapons of every kind in the three worlds with all that moves and does not move. No other man knows them, and none ever will.
न देवा नर्षयः केचिन्नासुरा न च राक्षसाः ।
गन्धर्वयक्षप्रवरास्सकिन्नरमहोरगाः ॥
na devā narṣayaḥ kecinnāsurā na ca rākṣasāḥ |
gandharvayakṣapravarāssakinnaramahoragāḥ ||
न देवता, न कोई ऋषि, न असुर, न राक्षस, न श्रेष्ठ गंधर्व और यक्ष, न किन्नर और महान सर्प।
Not the gods, nor any sages, nor asuras, nor rakshasas, nor the best of gandharvas and yakshas, with the kinnaras and great serpents.
सर्वास्त्राणि भृशाश्वस्य पुत्राः परमधार्मिकाः ।
कौशिकाय पुरा दत्ता यदा राज्यं प्रशासति ॥
sarvāstrāṇi bhṛśāśvasya putrāḥ paramadhārmikāḥ |
kauśikāya purā dattā yadā rājyaṃ praśāsati ||
ये सब अस्त्र कृशाश्व के परम धार्मिक पुत्र हैं, जो बहुत पहले कौशिक को तब दिए गए थे जब वे राज्य करते थे।
All these weapons are the most righteous sons of Krishashva, which were given to Kaushika long ago when he was ruling his kingdom.
तेऽपि पुत्रा भृशाश्वस्य प्रजापतिसुतासुताः ।
नैकरूपा महावीर्या दीप्तिमन्तो जयावहाः ॥
te'pi putrā bhṛśāśvasya prajāpatisutāsutāḥ |
naikarūpā mahāvīryā dīptimanto jayāvahāḥ ||
कृशाश्व के वे पुत्र, जो प्रजापति की पुत्रियों से उत्पन्न हैं, अनेक रूपों वाले, महापराक्रमी, तेजस्वी और विजय दिलाने वाले हैं।
Those sons of Krishashva, born of the daughters of Prajapati, are of many forms, of great power, radiant and bringers of victory.
जया च सुप्रभा चैव दक्षकन्ये सुमध्यमे ।
ते सुवातेऽस्त्रशस्त्राणि शतं परमभास्वरम् ॥
jayā ca suprabhā caiva dakṣakanye sumadhyame |
te suvāte'straśastrāṇi śataṃ paramabhāsvaram ||
दक्ष की सुंदर कटि वाली पुत्रियाँ जया और सुप्रभा ने सौ अत्यंत तेजस्वी अस्त्र शस्त्रों को जन्म दिया।
Jaya and Suprabha, the slender waisted daughters of Daksha, gave birth to a hundred brilliant weapons and missiles.
पञ्चाशतं सुतान् लेभे जया नाम परान् पुरा ।
वधायासुरसैन्यानाममेयान् कामरूपिणः ॥
pañcāśataṃ sutān lebhe jayā nāma parān purā |
vadhāyāsurasainyānāmameyān kāmarūpiṇaḥ ||
बहुत पहले जया ने असुर सेनाओं के विनाश के लिए पचास उत्तम पुत्र पाए, जो अपार और इच्छानुसार रूप धारण करने वाले थे।
Long ago Jaya bore fifty excellent sons, boundless and able to take any form, for the destruction of the asura armies.
सुप्रभाऽजनयच्चापि पुत्रान्पञ्चाशतं पुनः ।
संहारान्नामदुर्धर्षान् दुराक्रामान् बलीयसः ॥
suprabhā'janayaccāpi putrānpañcāśataṃ punaḥ |
saṃhārānnāmadurdharṣān durākrāmān balīyasaḥ ||
सुप्रभा ने भी संहार नाम के पचास पुत्रों को जन्म दिया, जो अजेय, दुर्गम और अत्यंत बलवान थे।
Suprabha in turn bore fifty sons named Samharas, invincible, hard to overcome and very strong.
तानि चास्त्राणि वेत्त्येष यथावत्कुशिकात्मजः ।
अपूर्वाणां च जनने शक्तो भूयस्स धर्मवित् ॥
tāni cāstrāṇi vettyeṣa yathāvatkuśikātmajaḥ |
apūrvāṇāṃ ca janane śakto bhūyassa dharmavit ||
ये कुशिकपुत्र उन अस्त्रों को भलीभाँति जानते हैं, और ये धर्मज्ञ नए अस्त्र उत्पन्न करने में भी समर्थ हैं।
This son of Kushika knows those weapons fully, and this knower of dharma is able to create new ones besides.
एवं वीर्यो महातेजा विश्वामित्रो महायशाः ।
न रामगमने राजन् संशयं कर्तुमर्हसि ॥
evaṃ vīryo mahātejā viśvāmitro mahāyaśāḥ |
na rāmagamane rājan saṃśayaṃ kartumarhasi ||
ऐसे पराक्रमी हैं महातेजस्वी और महायशस्वी विश्वामित्र। हे राजन, राम के जाने के विषय में आपको संदेह नहीं करना चाहिए।
Such is the might of the radiant and renowned Vishvamitra. King, you should have no doubt about Rama going.
तेषां निग्रहणे शक्तस्स्वयं च कुशिकात्मजः ।
तव पुत्रहितार्थाय त्वामुपेत्याभियाचते ॥
teṣāṃ nigrahaṇe śaktassvayaṃ ca kuśikātmajaḥ |
tava putrahitārthāya tvāmupetyābhiyācate ||
कुशिकपुत्र स्वयं उन राक्षसों का दमन करने में समर्थ हैं। वे आपके पुत्र के हित के लिए ही आपके पास आकर उन्हें माँग रहे हैं।
The son of Kushika is himself able to subdue those rakshasas. He has come to you and asks for your son for your son's own good.
इति मुनिवचनात्प्रसन्नचित्तो रघुवृषभस्तु मुमोद भास्वराङ्गः ।
गमनमभिरुरोच राघवस्य प्रथितयशाः कुशिकात्मजाय बुध्या ॥
iti munivacanātprasannacitto raghuvṛṣabhastu mumoda bhāsvarāṅgaḥ |
gamanamabhiruroca rāghavasya prathitayaśāḥ kuśikātmajāya budhyā ||
मुनि के वचनों से रघुश्रेष्ठ का मन प्रसन्न हुआ और उनका शरीर दमक उठा; और उन यशस्वी राजा ने अपनी बुद्धि से राघव का कुशिकपुत्र के साथ जाना स्वीकार कर लिया।
At the sage's words, the bull of the Raghus, his body shining, rejoiced with a calm heart; and the renowned king, in his wisdom, agreed that Raghava should go with the son of Kushika.
