बालकांड, सर्ग 47: मरुद्गण और विशाला
The seven parts become the Maruts, the wind gods. Vishwamitra tells of the city Vishala and its kings, and King Sumati welcomes the sage and the princes.
सातों भाग मरुद्गण बनते हैं। विश्वामित्र विशाला नगरी और उसके राजाओं की कथा सुनाते हैं, और राजा सुमति ऋषि तथा राजकुमारों का स्वागत करते हैं।
सप्तधातु कृते गर्भे दितिः परमदुःखिता ।
सहस्राक्षं दुराधर्षं वाक्यं सानुनयाऽब्रवीत् ॥
saptadhātu kṛte garbhe ditiḥ paramaduḥkhitā |
sahasrākṣaṃ durādharṣaṃ vākyaṃ sānunayā'bravīt ||
गर्भ के सात टुकड़े हो जाने पर अत्यंत दुखी दिति ने दुर्जय सहस्राक्ष से विनम्रता से कहा:
When the embryo was split into seven, Diti, in deep grief, spoke gently to the invincible thousand eyed one:
ममापराधाद्गर्भोऽयं सप्तधा विफलीकृतः ।
नापराधोऽस्ति देवेश तवात्र बलसूदन ॥
mamāparādhādgarbho'yaṃ saptadhā viphalīkṛtaḥ |
nāparādho'sti deveśa tavātra balasūdana ||
मेरे ही अपराध से यह गर्भ सात भागों में बँटकर निष्फल हुआ। हे देवेश, बलसूदन, इसमें तुम्हारा कोई अपराध नहीं।
Through my own fault this embryo was split into seven and made fruitless. Lord of the gods, slayer of Bala, the fault is not yours.
प्रियं तु कर्तुमिच्छामि मम गर्भविपर्यये ।
मरुतां सप्तसप्तानां स्थानपाला भवन्त्विमे ॥
priyaṃ tu kartumicchāmi mama garbhaviparyaye |
marutāṃ saptasaptānāṃ sthānapālā bhavantvime ||
फिर भी मैं चाहती हूँ कि मेरे गर्भ के नष्ट होने से कुछ भला हो। ये सात गुणा सात मरुतों के स्थानों के रक्षक बनें।
Yet I wish some good to come from the loss of my child. Let these become guardians of the regions of the seven times seven Maruts.
वातस्कन्धाः इमे सप्त चरन्तु दिवि पुत्रक ।
मारुता इति विख्याता दिव्यरूपा ममात्मजाः ॥
vātaskandhāḥ ime sapta carantu divi putraka |
mārutā iti vikhyātā divyarūpā mamātmajāḥ ||
पुत्र, ये सात, मेरे पुत्र, वायु के स्तरों के रूप में आकाश में विचरें, दिव्य रूप वाले और मरुत नाम से प्रसिद्ध।
Son, let these seven, my sons, roam the sky as the layers of the wind, divine in form and known as the Maruts.
ब्रह्मलोकं चरत्वेक इन्द्रलोकं तथाऽपरः ।
दिवि वायुरिति ख्यातस्तृतीयोऽपि महायशाः ॥
brahmalokaṃ caratveka indralokaṃ tathā'paraḥ |
divi vāyuriti khyātastṛtīyo'pi mahāyaśāḥ ||
एक ब्रह्मलोक में विचरे, दूसरा इंद्रलोक में, और तीसरा महायशस्वी आकाश में वायु नाम से प्रसिद्ध हो।
Let one roam the world of Brahma, another the world of Indra, and the third, renowned, be known in the sky as Vayu.
चत्वारस्तु सुरश्रेष्ठ दिशो वै तव शासनात् ।
सञ्चरिष्यन्तु भद्रं ते देवभूता ममात्मजाः ॥
catvārastu suraśreṣṭha diśo vai tava śāsanāt |
sañcariṣyantu bhadraṃ te devabhūtā mamātmajāḥ ||
हे सुरश्रेष्ठ, बाकी चार, मेरे पुत्र, देवता बनकर तुम्हारी आज्ञा से चारों दिशाओं में विचरें। तुम्हारा कल्याण हो।
Best of gods, let the other four, my sons, become gods and move through the four directions at your command. Blessings on you.
तस्यास्तद्वचनं श्रुत्वा सहस्राक्षः पुरन्दरः ।
उवाच प्राञ्जलिर्वाक्यं दितिं बलनिषूदनः ॥
tasyāstadvacanaṃ śrutvā sahasrākṣaḥ purandaraḥ |
uvāca prāñjalirvākyaṃ ditiṃ balaniṣūdanaḥ ||
उनके वचन सुनकर सहस्राक्ष पुरंदर, बल के संहारक, ने हाथ जोड़कर दिति से कहा:
Hearing her words, the thousand eyed Purandara, slayer of Bala, said to Diti with folded hands:
सर्वमेतद्यथोक्तं ते भविष्यति न संशयः ।
विचरिष्यन्ति भद्रं ते देवभूतास्तवात्मजाः ॥
sarvametadyathoktaṃ te bhaviṣyati na saṃśayaḥ |
vicariṣyanti bhadraṃ te devabhūtāstavātmajāḥ ||
आपने जैसा कहा वैसा ही सब होगा, इसमें संदेह नहीं। आपका कल्याण हो; आपके पुत्र देवता बनकर विचरेंगे।
All this will be as you have said; there is no doubt. Blessings on you; your sons will become gods and roam.
एवं तौ निश्चयं कृत्वा मातापुत्रौ तपोवने ।
जग्मतुस्त्रिदिवं राम कृतार्थाविति नश्श्रुतम् ॥
evaṃ tau niścayaṃ kṛtvā mātāputrau tapovane |
jagmatustridivaṃ rāma kṛtārthāviti naśśrutam ||
हे राम, तपोवन में यह निश्चय करके माता और पुत्र कृतार्थ होकर स्वर्ग गए, ऐसा हमने सुना है।
Having agreed on this in the forest of penance, Rama, mother and son went to heaven with their purpose fulfilled, so we have heard.
एष देशस्स काकुत्स्थ महेन्द्राध्युषितः पुरा ।
दितिं यत्र तपस्सिद्धामेवं परिचचार सः ॥
eṣa deśassa kākutstha mahendrādhyuṣitaḥ purā |
ditiṃ yatra tapassiddhāmevaṃ paricacāra saḥ ||
हे काकुत्स्थ, यही वह देश है जहाँ पहले महेंद्र रहे थे और जहाँ उन्होंने तप से सिद्ध दिति की सेवा की थी।
This is the land, Kakutstha, where Mahendra lived long ago, and where he served Diti as she gained the fruit of her penance.
इक्ष्वाकोऽस्तु नरव्याघ्र पुत्रः परमधार्मिकः ।
अलम्बुषायामुत्पन्नो विशाल इति विश्रुतः ।
तेन चासीदिह स्थाने विशालेति पुरी कृता ॥
ikṣvāko'stu naravyāghra putraḥ paramadhārmikaḥ |
alambuṣāyāmutpanno viśāla iti viśrutaḥ |
tena cāsīdiha sthāne viśāleti purī kṛtā ||
हे नरव्याघ्र, इक्ष्वाकु के अलंबुषा से उत्पन्न विशाल नाम के एक परम धार्मिक पुत्र थे, और उन्होंने इस स्थान पर विशाला नाम की नगरी बसाई।
Tiger among men, Ikshvaku had a most righteous son, born of Alambusha, known as Vishala, and by him the city called Vishala was built in this place.
विशालस्य सुतो राम हेमचन्द्रो महाबलः ।
सुचन्द्र इति विख्यातः हेमचन्द्रादनन्तरः ॥
viśālasya suto rāma hemacandro mahābalaḥ |
sucandra iti vikhyātaḥ hemacandrādanantaraḥ ||
हे राम, विशाल के पुत्र महाबली हेमचंद्र थे, और हेमचंद्र के बाद सुचंद्र नाम से प्रसिद्ध राजा हुए।
Rama, Vishala's son was the mighty Hemachandra, and after Hemachandra came the one known as Suchandra.
सुचन्द्रतनयो राम धूम्राश्व इति विश्रुतः ।
धूम्राश्वतनयश्चापि सञ्जयस्समपद्यत ॥
sucandratanayo rāma dhūmrāśva iti viśrutaḥ |
dhūmrāśvatanayaścāpi sañjayassamapadyata ||
हे राम, सुचंद्र के पुत्र धूम्राश्व नाम से प्रसिद्ध थे, और धूम्राश्व के पुत्र सृंजय हुए।
Rama, Suchandra's son was known as Dhumrashva, and Dhumrashva's son was Srinjaya.
सञ्जयस्य सुतश्श्रीमान् सहदेवः प्रतापवान् ।
कुशाश्वस्सहदेवस्य पुत्रः परमधार्मिकः ॥
sañjayasya sutaśśrīmān sahadevaḥ pratāpavān |
kuśāśvassahadevasya putraḥ paramadhārmikaḥ ||
सृंजय के पुत्र तेजस्वी और प्रतापी सहदेव थे, और सहदेव के पुत्र परम धार्मिक कुशाश्व थे।
Srinjaya's son was the glorious and valiant Sahadeva, and Sahadeva's son was the most righteous Kushashva.
कुशाश्वस्य महातेजा सोमदत्तः प्रतापवान् ।
सोमदत्तस्य पुत्रस्तु काकुत्स्थ इति विश्रुतः ॥
kuśāśvasya mahātejā somadattaḥ pratāpavān |
somadattasya putrastu kākutstha iti viśrutaḥ ||
कुशाश्व के पुत्र महातेजस्वी और प्रतापी सोमदत्त थे, और सोमदत्त के पुत्र काकुत्स्थ नाम से प्रसिद्ध थे।
Kushashva's son was the radiant and valiant Somadatta, and Somadatta's son was known as Kakutstha.
तस्य पुत्रो महातेजाः सम्प्रत्येष पुरीमिमाम् ।
आवसत्यमरप्रख्यस्सुमतिर्नाम दुर्जयः ॥
tasya putro mahātejāḥ sampratyeṣa purīmimām |
āvasatyamaraprakhyassumatirnāma durjayaḥ ||
उनके पुत्र महातेजस्वी, देवताओं जैसे और दुर्जय सुमति अब इस नगरी में रहते हैं।
His son, the radiant and invincible Sumati, like a god, now lives in this city.
इक्ष्वाकोस्तु प्रसादेन सर्वे वैशालिका नृपाः ।
दीर्घायुषो महात्मानो वीर्यवन्तस्सुधार्मिकाः ॥
ikṣvākostu prasādena sarve vaiśālikā nṛpāḥ |
dīrghāyuṣo mahātmāno vīryavantassudhārmikāḥ ||
इक्ष्वाकु की कृपा से विशाला के सब राजा दीर्घायु, महात्मा, पराक्रमी और परम धार्मिक हैं।
By the grace of Ikshvaku, all the kings of Vishala are long lived, great souled, valiant and most righteous.
इहाद्य रजनीं राम सुखं वत्स्यामहे वयम् ।
श्वः प्रभाते नरश्रेष्ठ जनकं द्रष्टुमर्हसि ॥
ihādya rajanīṃ rāma sukhaṃ vatsyāmahe vayam |
śvaḥ prabhāte naraśreṣṭha janakaṃ draṣṭumarhasi ||
हे राम, आज रात हम यहाँ सुख से रहें। कल प्रभात में, हे नरश्रेष्ठ, तुम जनक के दर्शन करोगे।
Rama, let us stay here happily tonight. Tomorrow at dawn, best of men, you will see Janaka.
सुमतिस्तु महातेजा विश्वामित्रमुपागतम् ।
श्रुत्वा नरवरश्रेष्ठः प्रत्युद्गच्छन्महायशाः ॥
sumatistu mahātejā viśvāmitramupāgatam |
śrutvā naravaraśreṣṭhaḥ pratyudgacchanmahāyaśāḥ ||
विश्वामित्र के आने की बात सुनकर महातेजस्वी, महायशस्वी, नृपश्रेष्ठ सुमति उनकी अगवानी के लिए गए।
Hearing that Vishvamitra had come, the radiant and renowned Sumati, best of kings, went out to meet him.
पूजां च परमां कृत्वा सोपाध्यायस्सबान्धवः ।
प्राञ्जलिः कुशलं पृष्ट्वा विश्वामित्रमथाब्रवीत् ॥
pūjāṃ ca paramāṃ kṛtvā sopādhyāyassabāndhavaḥ |
prāñjaliḥ kuśalaṃ pṛṣṭvā viśvāmitramathābravīt ||
अपने पुरोहितों और बंधुओं के साथ परम पूजा करके, हाथ जोड़कर कुशल पूछकर उन्होंने विश्वामित्र से कहा:
Offering the highest worship with his priests and kinsmen, he joined his palms, asked after his welfare, and said to Vishvamitra:
धन्योऽस्म्यनुगृहीतोऽस्मि यस्य मे विषयं मुनिः ।
सम्प्राप्तो दर्शनं चैव नास्ति धन्यतरो मम ॥
dhanyo'smyanugṛhīto'smi yasya me viṣayaṃ muniḥ |
samprāpto darśanaṃ caiva nāsti dhanyataro mama ||
मैं धन्य और अनुगृहीत हूँ कि मुनि मेरे राज्य में आए और मुझे उनके दर्शन हुए। मुझसे अधिक धन्य कोई नहीं।
I am blessed and favoured, since the sage has come to my land and I have seen him. No one is more blessed than I.
