बालकांड, सर्ग 35: गंगा की कथा का आरंभ
Reaching the Ganga, Rama asks how the river came to flow through three worlds. Vishwamitra tells of Himavan's two daughters, the river Ganga and the goddess Uma.
गंगा तट पर पहुँचकर राम पूछते हैं कि यह नदी तीनों लोकों में कैसे बहती है। विश्वामित्र हिमवान की दो पुत्रियों, गंगा नदी और देवी उमा की कथा सुनाते हैं।
उपास्य रात्रिशेषं तु शोणाकूले महर्षिभिः ।
निशायां सुप्रभातायां विश्वामित्रोऽभ्यभाषत ॥
upāsya rātriśeṣaṃ tu śoṇākūle maharṣibhiḥ |
niśāyāṃ suprabhātāyāṃ viśvāmitro'bhyabhāṣata ||
शोण नदी के तट पर महर्षियों के साथ शेष रात बिताकर, उज्ज्वल प्रभात होने पर विश्वामित्र बोले:
Having spent the rest of the night on the bank of the Shona with the great sages, Vishvamitra spoke as the night turned to a bright dawn:
सुप्रभाता निशा राम पूर्वा सन्ध्या प्रवर्तते ।
उत्तिष्ठोत्तिष्ठ भद्रं ते गमनायाभिरोचय ॥
suprabhātā niśā rāma pūrvā sandhyā pravartate |
uttiṣṭhottiṣṭha bhadraṃ te gamanāyābhirocaya ||
हे राम, रात बीतकर सुंदर प्रभात हो गया है और प्रातःसंध्या का समय है। उठो, उठो, तुम्हारा कल्याण हो, और चलने की तैयारी करो।
Rama, the night has given way to a fine dawn and the morning twilight is here. Rise, rise, blessings on you, and make ready to go.
तच्छ्रुत्वा वचनं तस्य कृत्वा पौर्वाह्णिकीं क्रियाम् ।
गमनं रोचयामास वाक्यं चेदमुवाच ह ॥
tacchrutvā vacanaṃ tasya kṛtvā paurvāhṇikīṃ kriyām |
gamanaṃ rocayāmāsa vākyaṃ cedamuvāca ha ||
उनके वचन सुनकर राम ने प्रातःकाल के कर्म किए, चलने को तैयार हुए और यह कहा:
Hearing his words, Rama performed the morning rites, made ready to go, and said this:
अयं शोणश्शुभजलोऽगाधः पुलिनमण्डितः ।
कतरेण पथा ब्रह्मन् सन्तरिष्यामहे वयम् ॥
ayaṃ śoṇaśśubhajalo'gādhaḥ pulinamaṇḍitaḥ |
katareṇa pathā brahman santariṣyāmahe vayam ||
यह शोण नदी निर्मल जल वाली, गहरी और रेतीले तटों से सजी है। हे ब्रह्मन, हम इसे किस मार्ग से पार करेंगे?
This Shona, with its clear water, is deep and lined with sandbanks. Brahmin, by which way shall we cross it?
एवमुक्तस्तु रामेण विश्वामित्रोऽब्रवीदिदम् ।
एष पन्था मयोद्दिष्टो येन यान्ति महर्षयः ॥
evamuktastu rāmeṇa viśvāmitro'bravīdidam |
eṣa panthā mayoddiṣṭo yena yānti maharṣayaḥ ||
राम के पूछने पर विश्वामित्र ने कहा: यह मार्ग मैंने बताया है, जिससे महर्षि जाते हैं।
Asked this by Rama, Vishvamitra said: This is the path I have marked, the one the great sages take.
एवमुक्ता महर्षयो विश्वामित्रेण धीमता ।
पश्यन्तस्ते प्रयाता वै वनानि विविधानि च ॥
evamuktā maharṣayo viśvāmitreṇa dhīmatā |
paśyantaste prayātā vai vanāni vividhāni ca ||
बुद्धिमान विश्वामित्र के ऐसा कहने पर महर्षि तरह तरह के वनों को देखते हुए चल पड़े।
Told this by the wise Vishvamitra, the great sages set out, looking at forests of many kinds.
ते गत्वा दूरमध्वानं गतेऽर्धदिवसे तदा ।
जाह्नवीं सरितां श्रेष्ठां ददृशुर्मुनिसेविताम् ॥
te gatvā dūramadhvānaṃ gate'rdhadivase tadā |
jāhnavīṃ saritāṃ śreṣṭhāṃ dadṛśurmunisevitām ||
लंबा मार्ग तय करके, आधा दिन बीतने पर उन्होंने मुनियों से सेवित, नदियों में श्रेष्ठ जाह्नवी को देखा।
Having gone a long way, when half the day had passed, they saw the Jahnavi, best of rivers, frequented by sages.
तां दृष्ट्वा पुण्यसलिलां हंससारससेविताम् ।
बभूवुर्मुदिता स्सर्वे मुनयस्सह राघवाः ॥
tāṃ dṛṣṭvā puṇyasalilāṃ haṃsasārasasevitām |
babhūvurmuditā ssarve munayassaha rāghavāḥ ||
हंसों और सारसों से सेवित उसके पवित्र जल को देखकर सब मुनि और दोनों राघव प्रसन्न हुए।
Seeing her holy waters, frequented by swans and cranes, all the sages and the two Raghavas were delighted.
तस्यास्तीरे ततश्चक्रुस्त आवासपरिग्रहम् ।
ततस्स्नात्वा यथान्यायं सन्तर्प्य पितृदेवताः ।
हुत्वा चैवाग्निहोत्राणि प्राश्य चामृतवद्धविः ।
विविशुर्जाह्नवीतीरे शुचौ मुदितमानसाः ।
विश्वामित्रं महात्मानं परिवार्य समन्ततः ॥
tasyāstīre tataścakrusta āvāsaparigraham |
tatassnātvā yathānyāyaṃ santarpya pitṛdevatāḥ |
hutvā caivāgnihotrāṇi prāśya cāmṛtavaddhaviḥ |
viviśurjāhnavītīre śucau muditamānasāḥ |
viśvāmitraṃ mahātmānaṃ parivārya samantataḥ ||
फिर उन्होंने उसके तट पर डेरा डाला, विधिपूर्वक स्नान किया, पितरों और देवताओं का तर्पण किया, अग्निहोत्र किया और अमृत जैसी हवि ग्रहण की; और पवित्र तथा प्रसन्न मन से महात्मा विश्वामित्र को चारों ओर से घेरकर जाह्नवी के तट पर बैठ गए।
Then they made camp on her bank, bathed as prescribed, offered water to the ancestors and gods, made their fire offerings and ate the oblation like nectar; and, pure and glad at heart, they settled on the bank of the Jahnavi, surrounding the great souled Vishvamitra on every side.
अथ तत्र तदा रामो विश्वामित्रमथाब्रवीत् ।
भगवन् श्रोतुमिच्छामि गङ्गां त्रिपथगां नदीम् ।
त्रैलोक्यं कथमाक्रम्य गता नदनदीपतिम् ॥
atha tatra tadā rāmo viśvāmitramathābravīt |
bhagavan śrotumicchāmi gaṅgāṃ tripathagāṃ nadīm |
trailokyaṃ kathamākramya gatā nadanadīpatim ||
तब राम ने विश्वामित्र से कहा: हे भगवन, मैं तीन मार्गों से बहने वाली गंगा नदी के विषय में सुनना चाहता हूँ। वह तीनों लोकों को पार करके नदियों के स्वामी समुद्र तक कैसे पहुँची?
Then Rama said to Vishvamitra: Holy one, I wish to hear about the river Ganga that flows by three paths. How did she cross the three worlds and reach the ocean, lord of rivers?
चोदितो रामवाक्येन विश्वामित्रो महामुनिः ।
वृद्धिं जन्म च गङ्गाया वक्तुमेवोपचक्रमे ॥
codito rāmavākyena viśvāmitro mahāmuniḥ |
vṛddhiṃ janma ca gaṅgāyā vaktumevopacakrame ||
राम के वचन से प्रेरित होकर महामुनि विश्वामित्र ने गंगा के जन्म और विस्तार की कथा कहना आरंभ किया।
Urged by Rama's words, the great sage Vishvamitra began to tell of the birth and growth of Ganga.
शैलेन्द्रो हिमवान्नाम धातूनामाकरो महान् ।
तस्य कन्याद्वयं राम रूपेणाप्रतिमं भुवि ॥
śailendro himavānnāma dhātūnāmākaro mahān |
tasya kanyādvayaṃ rāma rūpeṇāpratimaṃ bhuvi ||
पर्वतों का राजा हिमवान है, जो धातुओं की महान खान है। हे राम, उसकी दो पुत्रियाँ थीं जो रूप में पृथ्वी पर अनुपम थीं।
There is a king of mountains named Himavan, a great mine of minerals. Rama, he had two daughters unequalled in beauty on earth.
या मेरुदुहिता राम तयोर्माता सुमध्यमा ।
नाम्ना मनोरमा नाम पत्नी हिमवतः प्रिया ॥
yā meruduhitā rāma tayormātā sumadhyamā |
nāmnā manoramā nāma patnī himavataḥ priyā ||
हे राम, उनकी माता मेरु की सुंदर कटि वाली पुत्री थीं, जिनका नाम मनोरमा था और जो हिमवान की प्रिय पत्नी थीं।
Rama, their mother was the slender waisted daughter of Meru, named Manorama, the beloved wife of Himavan.
तस्यां गङ्गेयमभवज्ज्येष्ठा हिमवतस्सुता ।
उमा नाम द्वितीयाभून्नाम्ना तस्यैव राघव ॥
tasyāṃ gaṅgeyamabhavajjyeṣṭhā himavatassutā |
umā nāma dvitīyābhūnnāmnā tasyaiva rāghava ||
उनसे यह गंगा उत्पन्न हुई, जो हिमवान की बड़ी पुत्री है। हे राघव, दूसरी का नाम उमा था।
Of her was born this Ganga, the elder daughter of Himavan. The second, Raghava, was named Uma.
अथ ज्येष्ठां सुरास्सर्वे देवतार्थचिकीर्षया ।
शैलेन्द्रं वरयामासुर्गङ्गां त्रिपथगां नदीम् ॥
atha jyeṣṭhāṃ surāssarve devatārthacikīrṣayā |
śailendraṃ varayāmāsurgaṅgāṃ tripathagāṃ nadīm ||
फिर सब देवताओं ने देवकार्य की इच्छा से पर्वतराज से बड़ी पुत्री, त्रिपथगा गंगा नदी को माँगा।
Then all the gods, wishing to serve the purpose of the gods, asked the king of mountains for the elder, Ganga, the river of three paths.
ददौ धर्मेण हिमवान् तनयां लोकपावनीम् ।
स्वच्छन्दपथगां गङ्गां त्रैलोक्यहितकाम्यया ॥
dadau dharmeṇa himavān tanayāṃ lokapāvanīm |
svacchandapathagāṃ gaṅgāṃ trailokyahitakāmyayā ||
तीनों लोकों के हित के लिए हिमवान ने धर्मपूर्वक अपनी पुत्री गंगा को दे दिया, जो संसार को पवित्र करती है और स्वेच्छा से बहती है।
For the good of the three worlds, Himavan gave by dharma his daughter Ganga, who purifies the world and flows as she wills.
प्रतिगृह्य ततो देवास्त्रिलोकहितकारिणः ।
गङ्गामादाय तेऽगच्छन् कृतार्थेनान्तरात्मना ॥
pratigṛhya tato devāstrilokahitakāriṇaḥ |
gaṅgāmādāya te'gacchan kṛtārthenāntarātmanā ||
उसे पाकर तीनों लोकों का हित करने वाले देवता कृतार्थ मन से गंगा को लेकर चले गए।
Receiving her, the gods, who work for the good of the three worlds, took Ganga and went away with their purpose fulfilled.
या चान्या शैलदुहिता कन्यासीद्रघुनन्दन ।
उग्रं सा व्रतमास्थाय तपस्तेपे तपोधना ॥
yā cānyā śailaduhitā kanyāsīdraghunandana |
ugraṃ sā vratamāsthāya tapastepe tapodhanā ||
हे रघुनंदन, पर्वत की दूसरी पुत्री ने, जो तपस्विनी थी, कठोर व्रत लेकर तप किया।
The other daughter of the mountain, joy of the Raghus, rich in penance, took up a fierce vow and practised penance.
उग्रेण तपसा युक्तां ददौ शैलवरस्सुताम् ।
रुद्रायाप्रतिरूपाय उमां लोकनमस्कृताम् ॥
ugreṇa tapasā yuktāṃ dadau śailavarassutām |
rudrāyāpratirūpāya umāṃ lokanamaskṛtām ||
पर्वतश्रेष्ठ ने उग्र तप से युक्त, लोकवंदित अपनी पुत्री उमा को अनुपम रुद्र को सौंप दिया।
The best of mountains gave his daughter Uma, honoured by the world and endowed with fierce penance, to Rudra, who has no equal.
एते ते शैलराजस्य सुते लोकनमस्कृते ।
गङ्गा च सरितां श्रेष्ठा उमादेवी च राघव ॥
ete te śailarājasya sute lokanamaskṛte |
gaṅgā ca saritāṃ śreṣṭhā umādevī ca rāghava ||
हे राघव, ये हैं पर्वतराज की दो लोकवंदित पुत्रियाँ: नदियों में श्रेष्ठ गंगा और देवी उमा।
These, Raghava, are the two daughters of the king of mountains, honoured by the world: Ganga, best of rivers, and the goddess Uma.
एतत्ते सर्वमाख्यातं यथा त्रिपथगा नदी ।
खं गता प्रथमं तात गतिं गतिमतां वर ॥
etatte sarvamākhyātaṃ yathā tripathagā nadī |
khaṃ gatā prathamaṃ tāta gatiṃ gatimatāṃ vara ||
हे तात, चलने वालों में श्रेष्ठ, मैंने तुम्हें सब बता दिया कि त्रिपथगा नदी पहले आकाश में कैसे गई।
I have told you all of how the river of three paths first went to the sky, my dear, best of those who move.
सैषा सुरनदी रम्या शैलेन्द्रस्य सुता तदा ।
सुरलोकं समारूढा विपापा जलवाहिनी ॥
saiṣā suranadī ramyā śailendrasya sutā tadā |
suralokaṃ samārūḍhā vipāpā jalavāhinī ||
यह सुंदर देवनदी, पर्वतराज की पुत्री, पापों से मुक्त करने वाले जल के साथ बहती हुई देवलोक पहुँची।
This lovely river of the gods, the daughter of the king of mountains, rose to the world of the gods, flowing with water that frees from sin.
